Bruay, la réaction face aux grands magasins
par minloute le, 13/01/2019j a un souvenir étant tchiot , à l arrière d'la 403, déchinte la rue des grands bureaux éclairée jusqu au centre ville avec ché leumieres d' Noël , comme des zarcs de triomphe qu in franchisso .......
in déchindo en ville, pas évident d' trouver eune plache pour s' garer , mais cha grouillo d' gins qui faijotent leurs zempletes pour la Noël ...........
quequ'fos vallo miux quitter ch' trottoir pour avincher ......
pi duch' mint le magasin Carrefour , pi ensuite l enseigne Cora, ch'est elle qui a servi d ' aimant ......
demi tour droite, direction la future porte nord .......
j' me souviens du premier samedi qui y a eu des carettes qui avinchotent tout duch'mint du haut d' la rue anatole france, jusqu aux quat' chemins de labuissiere ...
meme que m' mère ale éto sortie pour vire si yavo pas un asquident, bin nan, chéto ché gins qui allotent vers labuissiere .........
pour ch' maire, cha avo été impossipe d' pas faire construire le supermarché sur sin territoire, cha auro pas été Bruay cha auro été Haillicourt ou Divion, et l' résultat y auro cor été pire au niveau des finances .....
faut pas oublier que ché supermarchés, autant asteure y a rin de plus commun, autant j' me souviens tout tchiot in avoir visité mais pas dans la région
j avo visité d abord chti de sainte Geneviève des Bois en région parisienne et plus tard, un grand Auchan du coté de Lille
mais ché nouzautes, in connaisso pas grinmint ......
tout duch'mint mais inexorablement, ya des enseignes qui sont parties du coté de Labuissière
ch' maire ch'est sur y a du avoir des pressions d' la part des commerçants, et j' me souviens fin des années 70 in a inauguré la Flanerie
ch' te tchiote rue piétonne, un peu coupe gorche, qui devo redonner d' la vigueur au centre ville ......
par conte à la même époque, j' éto au lycée Carnot en terminale G du qu in nous appreno la base du commerce moderne "no parking no business"
pas de parking pas de commerces......
les gins asteure i veulent te pu s' déplacer à pied, faire x magasins pour acater s' viante, ses légueumes, s' n épicerie ...
en 10 ans ché zhabitutes d achat ale zont cangées du tout au tout .....
et un par un, ché magasins phare, ché magasins qu in auro jamais cru que cha pouvo fermer, i sont disparus .....
ché Nouvelles Galeries, la librairie Dambrine, Cédico, plus tard, la librairie Dupont, sans parler d' ché magasins d' meupes, et de tous les tchiots commerces qui yavo dans chaque quartier
ont survécu ché marchands ambulants distribuant du pain, mais même ch' magasin Miniper au centre ville , ya pas marché
pas de parking pas de business et in arvient à la géographie de Bruay ...
in a bin abattu du que chéto plat, mais in a fait des immeupes à la place ...