l arrivée des italiennes ....
par minloute le, 19/01/2019quand qu in éto tchiot in mingeo pas de pates italiennes ,autant asteure quand qu in parle "pates" in y associe toudis " italiennes" ....ch'éto pas forchémint l' cas avant ....
j a des souvenirs d' la coop, d' la "coopé" comme dijotent certains, que che so au niveau du tchiot magasin qui s' situo in haut d' la rue anatole france .....
du que té d' mindo à eune dame qui éto derriere sin comptoir deut' servir ...
ou meme après quand qu in déchindo vers le nouveau magasin d' la coop qui éto situé in bas d' la cote juste avant les quat' chemins .....
yavo quat' sortes d' pates, ou d' marques autant que je m en souvienne ......
yavo les pates Lustucru , savez ché boites en carton avec la décoration en damiers bleu plus ou moins foncés ...
chéto l' marque qui faijo l' plus d' publicité, oh pardon, de réclame comme in dijo à ch' t époque là.....
mais m' mère dijo toudis un non catégorique, vu que pour elle , ale collotent ........
celles qu in mingeo al' mason chéto les Rivoire et Carret
chéto des boites qui étotent souvent rectangulaires, en fond bleu clair, écrit en blanc et en grand , Rivoire Carret ...
la preuve que m' mère ale se trompo pas dins l' choix des pates , ch'est que sur la droite du paquet ,in voyo, sur fond rouge , la silhouette d'eune ménagère moderne (pour l époque) qu ale gouto ché pates avec eune cuillère in bo.....
pi le haut du haut de gamme, chéto les pates alsaciennes, in in acato pas al' mason, j' me souviens qui yavo bien sur en dessin d 'sur ch' paquet , djà en plastique, eune cigogne avec ché pitits dinch' nid............
chéto marqué aussi qui yavo plétore d' oeufs frais au kilo, 7 si j'em souviens bin .....
mais chéto plus cher, alors in in acato pas, savez que m' mère ale veillo au grain, bonne ménagère et bonne économe, comme diro l aute , ale teno ses comptes .......
ch' éto l époque du qu in mingeo moins d' sortes d' pates, d' ailleurs souvint in dijo, "i mingent des noules" , les "noules" cha argroupo toutes ché sortes d' pates ....
in parlo surtout d' noules , de coquillettes ou de spaguettis .......
pi au tout début des années 70, Carrefour y a arrivé sur bruay, sans compter que la publicité, ouais in peut l appeler comme cha asteure, ale s a developpé à la télévision ...
tout cha avec eune musique italienne, orchestrée par la marque panzani
in a comminché à parler tout in "i".... in parlo plus de "noules" asteure, in parlo de torti, de rigatoni, fusilli ditalini ....
il plus qu' à partir de 1975, Don Patillo y a apparu à la télé, pour nous matraquer que ché produits i zétotent ché meilleux ...
l' italie, le solel, l huile d olliffe, ché cigales ....... cha donno eune imache d' vagances et ... d' modernité
sur, qu in face, les lustucru, rivoire et carret , et pates alsaciennes, i zont pris un coup dins les carreaux comme on dit ......
sans compter que queques zannées après, vlà ti pas que gerard depardieu y a vénu nous vanter eune nouvelle marque , cor plus italienne, les barilla ........
cha deveno presque ringard d' minger des lustucru ......
mais voyez , meme en cangeant d' marques, j a toudis mes pates préférées, ché macaronis et ......
retour en enfance, ché vermicelles et ché pates savez en lettres, qu in s amuso à faire des mots sul' bord d' l assiette
ah la nostalgie ...