du qu' t as été en vagances ?
par minloute le, 26/01/2019autant asteure ché gins prennent des vagances en dehors du département, autant y a cor 50 voire 60 ans, chéto loin d' et' le cas
in avo in vigin , début des années 70, qui parto toudis en ardeche, pour mi chéto l' bout du monte, presque une expédition ....
d'ailleurs j' me souviens que quand qu in éto dans l' sute dans les memes années et qu in croso eune carette avec eune plaque qu ale finisso par 62, bin ché gins i's' klaxonotent ....
alors , quand qu in allo comme cha dans des zindrots touristiques, in acato quequ' fo un souvenir de du qu in avo été, et au delà des assiettes qu in accrocho à ché murs del cuisine, ché services à café, sans oublier les tchiotes cuillères......
yavo des souvenirs que ché gins i zacatotent et qui mettotent bin en évidence sur leurs carettes ...
c' qu in voyo l' plus chéto les zautocollants et les fanions
j' va commincher par ché fanions, pasque ch est plus ancien , chéto d abord en coton, yavo souvent des franges tout autour
ché gins i zin accrochotent au rétroviseur et cha pendouillo , et pour ceusses qui avotent un scooter, souvint i zin mettotent un au bout d eune barre metallique, cha faijo drapiau
pi avec le develop'mint du "tout plastique" début des années 60 , ch est les zautocollants qui sont devenus la mode ..
les zautocollants, souvent chéto l' meme série, savez , cha arsemmblo à des blasons , et yavo l' nom del ville .....
in' na qui in mettotent plein et cha faijo l' tour d' la vitre arriere ........
cha faijo un peu comme ché médales russes savez, in'n avo eune pénurie comme auro dit min camarate Fortuné .....
ou si in prind s' lanque du dimanche in ' n'avo "pléthore" tout cha pour dire que yavo des vitres arriere chéto comme d' vrais zalbums panini ...
j'cro qu en fait cha flato un peu les égos des gins du ginre, ravisez sum' carette du que j a djà été ...........
cha parait si loin tout cha asteure ...