notre patois
par minloute le, 09/02/2019in fait quand qu in ravisse bin , ch'est bin des patois qui faut parler quand qu in parle du chti, meme si on l'englobe sous le terme de "picard"
rin que d un bout à l aute du pas de calais, à Lens in dira 'j'va minger" ; du coté d'Hesdin " j' va maquer" et du coté de Boulogne " j'va maquaï".....
plus jone j' liso la revue patoisante " ché vints d artois" , , et d'dins té trouvo des textes écrits par ché gints, et y a des coups j' butto vraimint pour comprinte , et j' voyo que chéto écrit par quéqu un "étranger" du pays minier
parel, à acouter le patois roubaisien, y a des mots et des expressions bin différentes
nouzautes in a récupéré des mots inglais, comme faire briquet, que cha vient de l expression "faire un break", faire une coupure , ou l' daine pour le sol de la mine, qui vient de "down" qui veut dire vers le bas ...
sans compter qu au début des mines, in a fait v'nir grinmint d' belges , main d oeuvre qualifiée du Borinage, qui sont v'nus avec leu expressions ...
ch'est pour cha que quand qu in lit la méthode Assimil pour parler chti, j' me d'minte si chti qui apprind le patois ainsi, i pourro vraimint s' faire comprinte partout sans passer pour un extra terreste .......
pi in a grinmint perdu , in perd grinmint en vocabulaire....
i éto basé avant la révolution industrielle par tous ché mots qui étotent liés à la ferme ou à l exploitation agricole ......
qui ch'est cor quo cha n'est qu un codin........
pi après y a eu l exploitation minière par ichi, qui ch'est cor dins ché jones quo cha n' est qu un cafu.....
j' crains qu à chaque génération in perde pas mal d' mots d' not' vocabulaire ....
et que cha devienne eune langue morte ...