Les jardinsch' calendrier de la poste partie 1
par minloute le, 17/03/2019 calendrier d' la poste, ou des pétété si vous préferez ...
souvenirs comme cha qui m' viennent....
la nuit ale a qué, in est au mois d' décempe, et ch' facteur i vient vinte ses calendriers ...
i avo un quien espécial......
à forche qui passe, i connaisso ch' facteur, et i dijo pu rin.......
mais est ce que chéto pasqu i passo au soir? là i éto intenape et i arreto pas d' aboyer ....
(m'mère ale dijo aut' cosse, in dijant qui voyo que ch' facteur i avo s' prone )
faut dire qu in éto pas sin premier client , et "qu ' am mote" i avo pas du grinmint protester quand que ché gins i li ont proposé d' boire un tchiot coup ...
in arprennant Dalida, i avo " la mine triste " mais pas les joues blèmes ...
nan, m' mère qui avo horreur des gins qui buvotent ,me parlo d' sa "coupe rose" qui arsorto...
"coupe rose" "coupe rose" , j' voyo pas d' quo ale voulo parler, mi j' avo pas vu qui saigno .......
mais j' me souviens qui avo le regard tourné vers l horizon, et que meme eune année, s' femme , par précaution , ale avo du dire à sin grand d' l accompagner durant sa tournée ...
mais in a pas vu d amélioration notoire, sinan un jone d eune quinzaine d années, suivant sin père dans s' tournée...
et le mot "tournée" y est vraimint approprié ...
