toudis au bois d' Olhain
par minloute le, 13/04/2019Rapid'mint mes parints zont pris leurs zhabitutes.....
in faijo plusieurs circuits dans la forêt, quequ' fos cha s' coupo les uns les zautes, mais ch'éto cor assez varié
j' les connaisso par cœur, faut dire qu avec le temps , après devoir rester presque collé à ché parints, j a eu l' drot d' partir plus en avant ,,,
oh j' parto pas à des kilometes, j éto comme un éclaireur dans la cavalerie américaine de ché flimes de John Ford ,,,
j' parto en avant , et j arveno à toute blinte quand que j' quéyo d'vant eune grosse flaque d iau qui « barro » l' chemin un peu plus loin ,,,
à force d' faire ch' l éclaireur, j ' l a connaisso par cœur chte forêt, et surtout ses particularités ,,,,,
ichi un qu'min qui nous meno à eune mason forestière qui éto à la limite d' la route,,,,,,
plus loin , la végétation cangeo, in arrivo dans un espace planté avec des grands pins,,,,
le sol était pauvre , pas grinmint d herpe , plutot des tapis d aiguilles et quequ' pommes qui restotent par chi par là au sol ,,,,,,
là chéto un coin à fort dénivelé, j avo ker monter in haut , m' cacher et fondre par surprisse sur mes parints qui passotent à leu rythme par ichi bin des mineutes plus tard ,,,,
par là, si in tourno à droite du que ch' l arpe i faijo un nœud sur li même, fallo y aller que si chéto bin sec, sinan t avo vite del bourlique au niveau des chevilles ,,,,
ch'éto l occasion aussi, quand que chéto la saison, d y cueillir les scilles campanulées ,,,,,
zavez vu j' utilisse ch' mot savant pour parler d' ché fleurs à clochettes bleues, qui fallot cueillir duch'mint , tirer sur toute la tige pour qu ale sorte complét'mint et qu ale puisse comme cha tenir plusieurs jours dins zin vase , au retour al' mason ,,,,,,,,,
yavo aussi ché primevères qu in cacho plus qu in cueillo, sans oublier ché jonquilles ,,,,,,
au fil des années, j allo d' plus en plus loin tout seu, et vers ché 13 14 ans, j avo simplemint à et' arvenu au parking à eune heure convenue
j éto parti un coup jusqu à Verdrel ,, quand qu in ravisse sul' carte ch'est vraimint tout à coté, mais savez comme chéto interdit pour mi d' sortir d' la forêt, d' braver l interdiction, et d ' artrouver en terrain inconnu, un peu savez comme quand qui zarcherchent le château du grand Meaulnes ,,,,,
à forche , j' la connaisso plus que par cœur, que cha m a même lassé d y aller,,,,,
normal aussi quand qu arrifffe l adolescence , qu in a la piau qui bourgeonne autant que c' qui pousse su ché zarpes, in trouve cha vraimint puéril d aller trainer ses guetres l' diminche aprés midi , toudis au même endrot ,,,
j' préféro rester al' mason raviser le ouesterne d' l après midi en compagnie d' ma grand mère ,,
alors j a pu été à Olhain jusque ,,,,