j' min veux pour ché cartes ed'saint nicolas
par minloute le, 19/11/2005cha j avoue , j a pas gardé , mais ché vrai qu in attindo impatiemment ch' facteur, eh ! arcevoir des cartes quand qu on est jone , ché flatteur !
j a pas gardé , j eule argrette achteure, mais merci à Marie Claire pour ché cartes ed sainte catherine, meme si ché pour ché garnoules, cha nous fait arpinser au temps du qu on éto fier d arborrer ché cartes qu on avo archu
pour vous dire y avo eune femme qu ale est morte achteure , oh d' puis bin des années, ale habito eune tchiote mason dans l' coron des veuffes , rue de commentry à bruay , ale s appelo Madame Thueux
vous dire achteure qui éto Madame Thueux, j in sais rin, cha devo ete eune ancienne collegue ed traval à min père ou am' mère, j vo pu sin visache, in allo quéqu'fos as' mason , j avo dro aussi à un coq en chocolat au momint d'paques par elle
mais ché surtout pasque chaque année quand j éto tchiot j avo toudis m' carte ed saint nicolas que sin nom i m est resté
alors par l'au delà , j' dis du fond du coeur "merci Madame Thueux pour vot' gentillesse"