Les jardinsle bouquet de persil de Maman
par minloute le, 25/05/2019Même quand que min père à la fin, y éto trop mate pour faire sin gardin , y a toudis gardé un coin du qui yavo du thym, de la ciboulette et du persil ...
j'me souviens et cha m' faijo sourire, d' vire passer m' mère dins l' cour , longer ché barraques, la paire d' ciseaux à la main pour aller à mon dech gardin cueillir 2 branques d' persil , frisé je précise ....
ale rameno cha dans un bout d' sopalin , le lavo ach' l évier , l' séquo , pi l' coupo en tchiots morciaux au d' sus du saladier ......
que belle expression en français , le "bouquet" de persil .... sur qui faut avoir ker ch' gout "un peu" prononcé , mais que plaiji in bouque avec ché tomates ...
sur que l' cuisine à maman ale éto aromatisée..... si chéto pas ch' persil, chéto la ciboulette qu ale metto avec ché crudités ...
ou d' zéchalottes bin sur ...........
pendant d' zannées après, pasque ja parti del mason pour vivre en appartement, persil, ciboulette et même échalottes, cha a disparu d'ché assiettes ....
asteure j' rattrape ch' temps perdu, j va ker min persil dinch' gardin, (mais j'el mets que dans m' n' assiette, z'zautes i zont pas ker ch' gout )
....et je pense à Maman .....
( 1 photos)
