y avo aussi ché quètes
par minloute le, 19/11/2005ouais l' diminche , cha arrivo qu in étote réquisitionné, enfin ché pas l' mot exact , in va dire sollicité , par des connaissances à nos parints , pour participer à des quetes
j' eum' souviens d eune , chéto sous la houlette d' Emile Desfachelle, oh vous l' connaissotent te pas, j' cro nin , mais j' f'rai un artique sur li
in éto jone, i nous avo rassemblé , jeun' sais nin pour quelle causse qu in allo quéter , mais in avo un brassard et un tronc, chéto ptete j' cro bin pour la croix rouche
in éto bin eune vingtaine, i nous avo partagé ché rues du quartier et in route ! chéto eune bonne expérience , d abord t allo buquer à des portes ed gins que té connaisso pas, y a des coups chéto "nan" et sans plus et t avo interet à artirer tin nez sinon té t' preno l' porte en pleine guiffe et y a des coups chéto pas grand cosse, mais in diso bin merci, Emile t inquiete te pas , té nous l avo bin répété eune trentaine ed coups d ete poli
pi y a des coups t avo dro non pas à eune pieche mais à un billet et j' vous jure et ché vrai ceux qui donnottent l' plus chéto pas ceux qui avottent les plus belles masons , ou l 'interieur l' plus moderne , croyez me