Casino ou Colisée ?
par minloute le, 01/07/2019"am' n époque", sur Bruay , y avo pu que 2 cinémas, 3 in devro dire, in y incluant le Rex, rue des escaliers , chti qui éto spécialisé dins ché flimes du qui yavo des infirmières qu ale zavotent toudis caud , qu ale devotent s' déshabiller, et qu ale zétotent toutes gentiles avec ché messieurs ...
alors Colisée ou Casino ?
le Colisée il avo tout pour li, un grand balcon à l'étage, eune salle moins profonte , plus large, qu ale pouvo aussi acccueillir des spectaques de théâtre ...
j' me souviens y avoir vu , "qui a peur de Virginia Woolf"...cha m'avo pas passionné ch'est le moins qu on puisse dire ....
pi question confort ch'éto quand même plus moderne , pi ch'est dans ch' te salle qu in avo dro au procédé sunsouroude, savez que cha faijo tranner ché fauteuls quand qu in suivo ch' flime sur les tremblements de terre ...
le Colisée chéto aussi le ciné clupe, des projections le soir, qu in y allo entre copains d' lycée, qu'in raviso quequefos plus l' garnoule d à coté que ch' flime qui passo
j' me souviens avoir vu "les émigrants" , Adele H pi Nosferatu ..........
le Casino, i nous semblo djà un peu vieillot ......
dans l entrée yavo des grands posters encadrés des vedettes américaines des années 50 et 60, j' me souviens de celle de Gary Grant .....
bio costume avec eune pochette blanche, et caveux gominés brillant .....
nan le Casino, son charme chéto aussi dés que t avo pris tin ticket et que té passo ché premières portes à battant ...
su la droite y avo un grand bar, avec ché étagères éclairées ...
alors in prenno sin élan et in monto l' grand escalier ...
un très bio escalier, bien large, avec des morciaux d' mica incrustés dins les marches, cha donno l impression d' marcher su des zétoiles
eune fo arrivée in haut, in attindo au niveau d' ché zautes portes ..
là yavo eune ouvreusse qu ale faijo l' tri entre ceusses qui avotent pris des billets à l'étage, et les zautres
cha y est ch'est à not' tour, l'ouvreusse ale ravisse nos billets avec s' lampe, pi ale nous y inmène
aprés avoir monter ché marches, in avo vraimint l impression d' dévaler eune sacrée pente pour arjointe nos fauteuls
lumière tamisée, en attindant la première partie .....