in arvenant de Merlimont
par minloute le, 11/08/2019Saint Pol passé, Dieval , pi Ourton, in éto dans l' pays des cinses et des tracteurs....
in fait in y éto depuis la sortie de Merlimont Village....
et d'un coup dans l' montée à viraches qui nous meno à Divion, té voyo les premiers signes qu'in s' rapprocho du pays du carbon......
su la gauche, accrochée à flanc d' colline, ch'éto La Clarence, avec ses rangées d' masons parallèles que teut' demindo commint qu'ale faijotent pour tenir ainsi sans baller dins la pente .........
entrée de Divion, avec ché commerces sur la gauche, pi ch' feu au bout , à la croix de grès
de là, d'un coup, eune fos le carrefour franchi, té t'artrouvo vraimint dins l' bassin minier ....
dins l' déchinte vers Bruay, té voyo à perte de vue, ché masons d' briques rouches, alignées, toutes pareles, comme pour eune revue militaire .......
ouais vraimint l'impression d' dévaler , d' rintrer dins "sin coin"
autant tchiot cha m' fajo du mau d' quitter Merlimont, autant eune fo qu'in arrivo à Bruay, j éto quand même contint d'arvoir ché corons .......
in laisso ché garaches des autobus artésiens su la gauche, pi les stations service .........
armontée rue de la république, et vu qui yavo du monte , t'avo l' temps d' vire ché vitrines.....
cha y est ch'est not' tour ach' feu , on avinche rue Henri Cadot...
j'a dit avincher, pasque chéto un temps du qui yavo cor grinmint d' monte à Bruay...
et entre ché voitures garées sul' coté, et ché gins qui traversotent , fallo faire attention ...
au coin , in voyo l'enseigne de l'écureule de la Caisse d' Épargne .....
et la 403, ale prenno alors eune grante respiration, vu qu ale avo à monter la cote des grands bureaux ......
là à chaque coup , in arrivo au niveau du château maternité, "min château", ouais ch'eto là que j'éto né, oh j'éto pas l' seul , tout Bruay y a né après la seconte guerre mondiale ..... cha a fait du monte
aller cor un dernier effort, un dernier raidillon , qui commincho au niveau du garage Bondues su la gauche et de sa station service su la droite
arrivée au niveau de la cité des électriciens , la Peugeot pouvo souffler, min père aussi ....
yavo pu qu à suiffe la rue Anatole France toute rectiligne, pour arriver al' mason, mason que j' guetto du coin d'l'eule, in l' voyo cor d assez loin, un peu décalée dinch' virache
suffijo pu que d'es garer dans la rue Leverrier ....
souvenirs du passé, avec bizar'mint toudis l odeur d' feules brulées quand que j' em'rappelle l arrivée al' barraque....
yavo quéqu'un dins un des gardins pas loin qui brulo ché feules et j avo ker ch' t odeur là......
un bon momint à écrire et d'eune certaine façon à revivre ...