le Touquet Paris Plage
par minloute le, 20/08/2019j' sais pas commint vous l' dire, mais j a jamais été à mon aise quand qu in allo au Touquet .....
d' ailleurs in y allo pas si souvint qu' cha, autant quand qu in éto à Stella, mi qui éto in inconditionnel de Merlimont, in s y artrouvo cor , autant rin qu à s approcher du Touquet, j avo pas ker
pas notre monde, un golf, des grands hôtels, des gins qui s y passotent leu vagances avec un air d' nous raviser toudis d in haut , comme si in éto pas d' leur monde ...
des prout prout qu in pourro dire .....
ouais in éto pas d' leur monde, in passo quequ'fos devant le grand hôtel , mi jel trouvo trop clinquant
j' parle même pas d' chez boutiques du qui yavo pas grand cosse d' dins, des polos par chi des kémiches par là à des prix qu in pouvo s' deminder qui qui pouvo acater cha...
enfin si , in voyo bin qui qui pouvo s acater cha, nous nan, cha peut faire sourire mais in acato nos maronnes d été ou nos t shirt à mon Bébert à Cucq ....
chéto un des premiers magasins dins ch' coin qui vindo des vet'mints qui venotent d asie ......
d' grantes masons , des cottages comme i disotent , pi tout y éto al' mote inglaisse " hotel bristol ou wesminster .....
un hippodrome, un raréroport ........
j y avo été eune paire d' coups , vire s involer ou atterrir ché tchiots avions qui faijotent la navette avec l Angleterre, avec l' souhait caché , j' peux l'dire asteure, qui s' casse la figure in arrivant au sol ..
y a un truc que j avo ker vire quand même, chéto ch' phare, cha m' faijo drôle d in vire un au miyeu des terres presque en centre ville
in y faijo un tour vite fait, souvint pasque pour eune raison ou eune aute fallo y aller , mais j éto VRAIMINT contint quand qu in arveno
j ' préféro l ambiance bon enfant qui yavo à Merlimont , s ' promener dins ché rues in y étant à l aise, avec des gens comme nous, tout simpes