Merlimont au soir partie 3 rectification
par minloute le, 13/09/2019Nan, j' su pas trop contint d' ce que j a écrit, là , dans ch' dernier sujet ,,,,
pas contint, ou plutot comme in pouvo trouver sur mes carnets d école ,,,,« aurais pu mieux faire » , aurais du mieux faire , ouais ,,,
pasqu' al' reflexion, les soirées à Merlimont ,cha a évolué ,,,,, cha a pas été tout ' d' suite comme j a raconté juste avant ,,,,
pitit j avo dro au soir, à lire dins min coin min Perlin et Pinpin, pi plus tard Fripounet et Marisette, ou cor miu , j' l a cor d' ailleurs , min « Pif Pocket » de l année 1966 ,avec Maurice Biraud in couverture ,,,,,,,,
après j a eu dro à juer avec m' mère aux bidets, eune partie, eune seule , vu que , « paraît il » j auro été mauvais jueur ,,,,,
cha m étonne d' mi, pasque tant que j' gagne , j' su contint ,,,,après ouais ch'est sur comme diro l aute que j' sero plutot du ginre à « saquer min nez » ,,,,,,
et comme cha m énervo d' pas toudis gagner, cha m évervo et ch'éto pas l' but avant d aller s' couquer ,,,,,,,,,,,
j a parlé du Diamino, l'ancetre du « scrabelbimboum » comme auro dit min père
(ouais yavo ker inventer des mots à li),,,,,,,,,,,
mais l' Diamino j y a jué que j éto djà plus grand , pasque fallo quand meme du vocabulaire pour y juer ,,,
j a toudis l' souvenir qu un coup j éto sur d' pouvoir mette toutes ché lettes et d' faire un gros score, j pouvo écrire « SORRUS », savez ch' nom du pitit villache qui yavo avant d arriver à Merlimont
tout fier, j' mets ché lettes, tout fier, et min père qui m' dit « nan , cha marche pas , in met pas ché noms propes »
j avo été vesqué ch' coup là, la preuffe j' m in souviens cor plus d' cinquante ans après ,,,,,
nan, entre temps , yavo un jeu, quo que j' dis «LE JEU » de Merlimont , le mille bornes ,,,
j' vous zexplique pas commint qu in y juo, cha n a pas d' secrets pour vouzautes non plus
ah combien d' coups qu in a intindu dans l' silence del pieche, le fameux « coup fourré » rageur qu in crio quand qu in nous metto un feu rouche et qu in avo dins sin jeu le véhicule d'pompiers, « véhicule prioritaire » ,,,,
ah combien d' coup in espéro sortir du sabot in plastique, le feu vert pour ardemarrer, ou la carte à 200 points du que d' sur yavo eune hirondelle d' dessinée ,,,,,,
après 2 parties, mes parints i zarrettotent , mi j' voulo in faire eune troisieme ,,
mais paraît il que cha allo m énerver ,,, et que j'devo m arplonger dins mes bandes dessinées avant d aller m' couquer ,,,,
après mes parints , sortotent ch' jeu de diamino, et j' dos dire que l' premier coup qui zont bin voulu que j' jue avec eusses, j éto fier, ch'éto comme eune nouvelle étape
adieu ch' jeu d' bidets et chti de l oie, cha ch'est pour ché zéfants ,,,,,
autant au mille bornes cha juo assez vite, autant au diamino , in prenno quequ' fos son temps pour juer, à provoquer quéqu'fo la réaction d un des jueux , du genre « faudro juer quand meme » , ou « tindors pas » ,,,,,
tout cha rythmé par le tic tac ambiant du rével
j' vo que j in a pas cor grinmint parlé ,,,
ch' éto un modèle qui devo dater comme diro l aute,,,
de marque Jaz s il vous plait, j a pas d' mérite chéto marqué d' sur, pi yavo l' symbole du coq au miyeu du cadran si in avo eu l' moindre doute
i dato, et savez connaissant min père qui jetto rin , comme i avo été rimplaché par un modèle moins bruyant à Bruay, i éto vénu finir s' carriere à Merlimont ,,,,,
avec ché zassiettes dépareillés, ché couteaux de la marque le Tonkinois,,,qui coupotent pu grinmint , mais qu in gardo quand meme ,,,,
faijo du bruit ch' rével, ah dire qui « berço » nos soirées, cha sero en d' sous d' la vérité ,,,,
ch'est plutot si i s arreto qu in auro sursauté, d intinte d un seul coup un grand silence ,,,
mais cha pouvo pas arriver vu qu' min père avant d aller s' couquer , i li armonto tous ché rouages à l intérieur
en fait cha teno presque plus del crecelle que du rével, mais que voulez vous,,,,,
ch' éto l' bruit qui accompagno les soirées à Merlimont , avec mon papa et ma maman ,,,,,,,,
oh yavo un aut' bruit aussi, chéto l ouverture del boite in fer du que d'dins avo ché bonbons ,,,,,,,,,
bonbons acidulés à la menthe de la marque « la pie qui chante pour min père »
bonbons acidulés aux fruits pour m' mère
sans quo in s arjoigno tous à minger des Lutti ,,,,,,,,,,,
mi, mes préférés chéto les krema, savez les krema batna, pi ceux qui étotent à la réglisse ,,,
sans parler mes gins du zan en rouleau, avec ch' chuque au miyeu ,,,,,,,,,
ch'éto un temps tout simpe, à Merlimont,,,,sans télévision
vous dire que j auro ker en arvivre eune soirée comme cha , toute simpe , eune seule meme qu eune seule ,,,,,,,