départ des arondes ...acoutez ché viux...
par minloute le, 21/09/2019Faut toudis acouter ché viux ,,,,,,,
in face del mason , y a Mamita et ses 85 ans, pi ses 35 nids à arondes accrochés su l dessous du plancher del grange ,,,,,,
depuis avril mai , ch'est que traval pour ché arondes ,,,,
à peine arrivées, les vlà qui arfont ché nids,,,,,cha s' bagarre souvint, y a des coups d' becs qui s' perdent et cha pépie sec ,,,,,,,,,,
pi après ch'est qu un ballet entre ch' ciel et ché nids, aller querre à minger pour ché tchiots, arvenir les nourrir, apartir leur querre à minger et ainsi d' suite ,,,,,,,
l' première portée qu ale est assez forte, que ché arondes i zarfont des pitits ,,,
au soir, tout l été , commint vous dire, cha arsemblo au flime « la bataille d angleterre » savez entre ché zavions inglais et allemands ,,,,,
au d' sus d' nos tietes, martinets et arondes , in esquadrille, ratissotent tout c' qui pouvo passer dins ché paraches ,,,,
ichi in n est pas attaqué à bietes d' oraches savez ,,,,,,,
septembre arrive , et j avo djà d'mindé plusieurs coups à Mamita quand qui zalllotent arpartir
« je vous le dirai quand ce sera le moment » qu ale me dijo à chaque coup, avec un tchiot sourire en coin ,,,,,,,,,,,
y a quat' jours , j rinte du traval, j' gare l' carette et Mamita d' sin gardin ale m appelle, « cha y est y vont partir »
« sont djà parties ? » que j y d'mante
« quequ' zunes , mais demain j' su sur qu ale partent »
j y a d'mindé commint qu ale le savo
« faut savoir observer, et vous verrez demain soir » ,,,,,
le lendemain, j a pas eu l occasion del vire Mamita, mais j a pas eu b'soin pour savoir,,,
dans le ciel, rin pu rin, pu eune aronde , le ciel c éto vidé ,,,,,,,,,,,,,,,
rin que l' vol de tchiots mouchons d arpe en arpe , pour dire , mais ch' éto tout
j' l a arvu hier Mamita, et j y a d'mindé sin secret ,,,,,,,,
ale m a dit « j en étais sure, la veille , elles ne volaient pas de la même façon, et surtout après chaque envolée, elles se regroupent au même endroit , sur le toit de la grange , ça ne trompe pas »
Départ septembre, retour vers avril ,,,,, ouais qu'am' dit Mamita ,,,,,, les années passent et ale espère et' là quand qu ale zarviendront ,,,,,,
sincer'mint je l espère aussi , ch'est un peu m' grand mère de substitution
viv'mint avril qu in s'mette such' banc et qu in les zarvo faire leur manèche dins l' ciel ,,,,,,,,,
après , in dira c' qu on veut sul' réchauf'mint climatique ou l importance des animaux.....
tout c'que j' peux dire que depuis que ché arondes ale sont parties, in vo plus d' moustiques asteure au soir ,,,,,