ché supporters d' footballe

j' va aller en contre sens à c'qui a marqué Bernard sur l' USB .........

al' mason in suivo pas l' USB, et j' diro meme que j in avo été conditionné par m' mère .....

savez quand qu in est tchiot, in fait des promenates en donnant la main à sa maman, et ale in profite pour vous "éduquer" ....

reste bin sul' trottoir, dis bonjour à la dame, ravisse du qu' té mets tes zortiaux , attintion au caniveau ..........

quand qu in longeo ché commerces d' la rue Anatole France, in passo à un momint d'vant ch' café , j' cro que chéto Vanvimeersh , un nom comme cha ....

savez quand qu in est tout tchiot in est attiré par tout...

et là quand que l' porte al' s'ouvro in avo dro d un coup à l'odeur mélangée del biere et du toubaque, sans parler des voix fortes qu in intindo à l intérieur ...

là m' mère am' serro plus fort la main, as' raidisso, comme chi in passo devant un lieu d' perdition ...

enfin ch'est comme cha qu ale in parlo, en phrases brèves mais du ginre

"mais quo qui y trouffe d' bien d aller au bistrot", ou " y a les sous du ménache in vo du qu' cha passe" .....

in in éto pas à faire le signe de croix et à mette des gousses d al dins m' maronne mais ch éto tout comme ....


tout parel , si in s'promeno l' diminche le long du stade de labuissiere, autre lieu de perdition ........

cha nous arrivo d' y passer que chéto so la mi temps ou que l' match éto fini , mais qui in avo qui sortotent et qui s'soulageotent such' mur tout en continuant l' conversation avec des camarates ........

cha parlo fort aussi, l' porte d' la buvette ale devo et' ouverte aussi, toudis l' meme odeur mélée d' toubaque et d' biere ......

nous in passo toudis such' trottoir in face, au risque d' es faire accrocher par eune carette , pour arjointe la cité des sports et la belle au bois et armonter après par les quat' chemins .......

nan, in n a jamais été vire d' match, mais cha n impécho pas m' mère d' comminter l' diminche aprés midi , quand , vent favorape, in intindo monter eune clameur d un coup ...

ale dijo rin m'mère, mais ale faijo barloquer s' tiete quand meme , du ginre " mon diu pauv'gins" ........

mi pitit, de longer le stade de labuissiere, cha m intrigo et cha m' fascino ...

in voyo rin d' c'qui s' passo à l intérieur , in avo un mur , un rempart face à mi

i voyo rin, mais in intindo ché supporters qui étotent juste d' l aute coté ....

ichi dans la rue , pas personne, et d ' l aute coté , in l' supposo , la foule ..........

, j avo ker raviser in passant ché coupes gagnées, et qu in voyo de dessus eune étagère qui devo et' dins l' buvette, et qu in voyo , déformées par le verre cathédrale ....

enfin fallo que j'ravisse vite , vu que m'mère am ' tiro l' bras pour avincher ....