histoires-de-chtis® depuis le 20 février 2005

 

 

Les 60 dernières histoires


  LE PATRONAGE (14/11/2019)
  HOMMAGE à mon grand père et à tous les «Poilus» (10/11/2019)
  MIN MONONQUE (2ième partie) (09/11/2019)
  Au revoir Jean-Marc (08/11/2019)
  MIN MONONQUE (1ère partie) (06/11/2019)
  tour à la Toussaint (01/11/2019)
  L' TOUSSAINT (30/10/2019)
  faire un bec à Marie (27/10/2019)
  les bios mots d' la langue française .... (27/10/2019)
  RINTRÉE DES CLASSES (25/10/2019)
  d' la viante rouche .... (21/10/2019)
  ch' lapin et m' mère (19/10/2019)
  El dame blanque d'Esquelbeck (19/10/2019)
  BECS DE CORAL ET BENGALIS (16/10/2019)
  ché sms mms i zont bon dos (13/10/2019)
  PICHON ROUCHE ET BITACLÉ (11/10/2019)
  L BRADERIE D BRUAY (08/10/2019)
  devoir sur la braderie la correction (07/10/2019)
  braderie la fin (07/10/2019)
  au milieu de la braderie (07/10/2019)
  déchinte à la braderie (06/10/2019)
  départ à labraderie (06/10/2019)
  j a pinsé à ti Papa (30/09/2019)
  IN VA TUER CH COQ (29/09/2019)
  ché supporters d' footballe (29/09/2019)
  poésie en automne (28/09/2019)
  je coupe ... (28/09/2019)
  Émotion, notalgie, en revisitant les récits (24/09/2019)
  JUER AU FOOT À L' USB (23/09/2019)
  cité rigoulet et cité de l armentiou à Puyoo (21/09/2019)
  départ des arondes ...acoutez ché viux... (21/09/2019)
  DU FOOTBAL AU STADE DE LABUISSIÈRE (19/09/2019)
  Merlimont au soir partie 4 (15/09/2019)
  Merlimont au soir partie 3 rectification (13/09/2019)
  DU MARTINET OU DELLE CHEINTURE ? (13/09/2019)
  Merlimont au soir partie 3 (08/09/2019)
  Merlimont au soir partie 2 (08/09/2019)
  Merlimont au soir partie 1 (08/09/2019)
  RETOUR À BRUAY (La fin des vacances à Berck . Épilogue) (31/08/2019)
  CERF-VOLANTS ET AUTES AMUSEMINTS (Les vacances à Berck 10ième partie) (26/08/2019)
  Stade vélodrome de Bruay (26/08/2019)
  CHÉS CABINES (Les vacances à Berck 9ième partie) (21/08/2019)
  le Touquet Paris Plage (20/08/2019)
  LES VACANCES À BERCK (8ième partie : CH POSTE ÉD SECOURS) (17/08/2019)
  la fronde (15/08/2019)
  ché tétards (15/08/2019)
  LA JOURNÉE À STELLA (les vacances à Berck 7ième partie) (12/08/2019)
  in arvenant de Merlimont (11/08/2019)
  cor un ancien camarate d'école qui s'in est allé (08/08/2019)
  LA DUCASSE (Les vacances à Berck 6ième partie) (06/08/2019)
  LES VACANCES À BERCK (5ième partie : la baie de l’Authie) (02/08/2019)
  remonter le temps c'est possible (29/07/2019)
  LES VACANCES À BERCK (4ième partie : une journée à Bagatelle) (27/07/2019)
  Les démolitions des corons au 3 à Bruay (27/07/2019)
  LES VACANCES À BERCK (3ième partie : l'après-midi) (20/07/2019)
  y a 50 ans j'y a cru.... (20/07/2019)
  VACANCES À BERCK années 60 (2ième partie : au matin) (16/07/2019)
  les hommes volants (14/07/2019)
  cha sint l'iote ..... (14/07/2019)
  VACANCES À BERCK années 60 (1ère partie : départ et arrivée) (10/07/2019)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...
 Hervé62155 ( 24/12/2017)
Joyeux Noël et Bonne...


Liens
Histoires de chtis sur votre site
ché sms mms i zont bon dos
par minloute le, 13/10/2019  

mais quo ch'est qu' t apprint à l école pour faire tant d' fautes en français ?...

bin nan, in fait des dictées tous les jours ......

ah bon, et ch'est quo tes dictées ? ....

acoutez mes gins, quand que j a vu c' que ch 'éto, c' qu in appelo asteure "dictée", pour nous chéto simplement du "vocabulaire" ...

tro quat' mots à apprinte , à savoir écrire et pi ché toute ...

au pire , trois lignes qui s' battent in duel, mais ch'est bin l' bout du monde ....

asteure mon diu qui font comme fautes ché jones .....

quand qu in aborde ch' sujet là, y a toudis des indulgents qui dissent " ouais mais ch'est normal in est à l heure du sms et mms" .......

ouais ch'est sur , mais quand qu in compare ché "dictées" d asteure, que pour nouzautes cha iro simplemint such' cahier d' brouillon , avec nos dictées qu in devo faire, ch est bin l' jour et la nuit ....

j' pinse aussi que ché maites , alors est ce que chéto dans c' qu on leur demindo , i faijotent tout pour nous zapprinte à compter, à savoir lire et écrire correctemint, à savoir l histoire et la géographie de la France ......

asteure allez demander à un éleffe de terminale , voire plus du qui l est le cret de la neige, les monts d arrée........

la té va l' vire faire des gros ziux , ch'est un peu comme "rendez vous en terre inconnue" .....

ché dictées à nouzautes , cha passo bin sur par le vocabulaire, pi des exercices such' cahier d' brouillon , mais comme diro l aute ch'éto pas la finalité ....

in avo drot mais in l' savo à l avinche à la fameuse dictée du qui yauro des pieges , des accents à mette dans l' bon sens, et ché fameux zaccords à appliquer

la dictée, chéto l un des exercices les plus redoutés, pasque bin sur , t avo interet à t' souvenir deut' leçon, de la grammaire djà apprise, pi comme in écrivo au porte plume, à veiller à pas faire des pattes d' mouque, pire, des patés ........

pattes d' mouque, ch' maite un coup y a rendu la copie à un eleffe , y a mis "1 pour ch'papier" , mais que chéto écrit trop pitit

et les patés mon diu, fallo toudis veiller à bin mette sin buvard et surtout à l artirer quand qui fallo, pas trop vite non pu, et que dire des traits qu in devo mette, traits faits à la règle , que cha preno toute not' attention ...

la dictée, chéto l' momint du que ch'maite i s' promeno entre nous, i raviso si n' na qui trichotent pas, si n' a qui d un coup n' avotent pas attrapé l' bleusse vue .....

chéto pas rassurant del vire s' pencher par dessus not' épaule pour vire si in s' trompo pas ...

y a des fos qui hausso l' ton de son élocution , cha voulo dire souvint qu in faijo eune faute .....

des coups i passo meme dins ché rangs pour aller vire ceusses qui étotent au miyeu ...

quequ' fo meme yavo des claques derriere la tete qui partotent , du ginre " t as rin artenu" .....

ch' maite i articulo plus qu in fero si in parlo normal'mint

y a des coups i insisto sur "point" , cha voulo dire que si t oublio d' mette eune majuscule sur l article qui viendro aprés , chéto eune faute

c' qui l énervo grinmint , mais in l a tous fait à un momint , ch'est d' mette des majuscules à ché noms communs..

alors ch' maite i nous dijo " tin père y habite à Versales?"...........

quequ'fo in buto sur un mot, j' diro pas que chéto à pile ou face, mais quequ' fos à "l inspiration" , et quequ' fo in l' avo pas eu dins not' choix .......

souvint in trouvo cha long, dur de garder not' attention, loin des 3 lignes à arcopier asteure ......

in attindo avec impatience , le fameux "point final" , là dins la classe , t intindo un murmure de satisfaction ....

chacun i s' raviso, quequ' fo té voyo des regards un peu "hagard"...

chtilale i avo pas du réussir....

mais c' qui nous zénervo l' plus chéto l' "chouchou à s'maite" qui éto imbattappe en orthographe, et qui faijo toudis eune tronche d' chinq metes, ravisant les zautes , du ginre " là j a autant d' fautes qu' vouzautes"

et à chaque fo i faijo l étonné quand que ch' maite i rindo ché copies, d' finir toudis premier .....

in in est pas là, quequ' fo ch' maite, i "arréto tout" i arfaijo meme eune partie du cours, si yavo vu que grinmint avotent pas compris la leçon......

veno ensuite le relisache par ch' maite, i insisto quequ' fo aussi simplement ach' momint là , pour qu in s' pose la bonne question et qu in ravisse si in éto pas tombé dinch' panneau......

cha y est ch'est terminé, in's ravisse à nouveau du coin d' l'eule, in comminche quequ'fo à bavarder

ch' maite i crie un coup, i ravisse aussi si y a pas des corrections d' derniere minute par certains qui s' pinchotent sul' cahier du voisin

ch' maite souvint i claquo s' règle au coin d'es table, et du coin d' es' n estrade, i demindo à tout l' monte d' mette sin cahier au coin d sin pupitre

alors i déchindo et ramasso ché cahiers par rangées.....

après pour nous chéto la grande attente, comme j in a parlé y a pas longtimps, ch' maite i arsorto souvint ché cahiers là , quand qui nous faijo faire du dessin ......

j' vous za raconté eune "simple " dictée ... pasque quand que ch' maite i sorto d' l armoire vitrée le fameux cahier de composition, alors là mes gins chéto cor aut' cosse ...



 


Contact | ©2005 histoires-de-chtis®.com - Webmaster : Gold77 - CNIL : 1075910 - 6 visiteurs connectés - Qui est connecté ? |