Papa et sin gardin
par minloute le, 26/09/2020viu souvenir d infance, j'devo avoir dans les 6 ans, j éto au gardin avec min père et meme plus tard j a toudis été étonné d' vire l' plaiji mais aussi des efforts qui avo à s in occuper tout au long de l année ,,,,,
j' em souviens d' sin plaiji à fuir ch' terrain au printemps , à infoncer ch' louchet dans la terre, arsortir la pel'tée , l artournée sur plache, li donner un coup d' lame au miyeu , pour l aérer qui dijo
ravisse minloute ché viers d' terre, ché pas des méguerlots,,,,, ch' est signe qu' la terre ale est bonne
d ailleurs quand qui devo arcouper l' motte qui avo artourné , i faijo attention d' éviter d' couper in deux ché bestioles là ,,,,,,
mi j' éto loin d' ete aussi contints , j éto plutot écoeuré d' les vire s armuer dans tous les sens, pour rintrer vite fait dasn la terre , à l abri d' la lumière ,,,,,,,
c' qui m étonno l' plus chéto d' vire les efforts qui devo faire tout au long d l' année pour qui so toudis bio
j' l a djà dis , min père iavo eune gampe raite , alors chéto pas facile pour li des' baisser pour arracher ché mauvaises herpes
ah sur yavo l' binette pi l' serfouette (j avo ker ché noms là ) , mais au miu fallo cor s' baisser pour les ramasser, si fallo pas quand meme tirer su ché feules pour que l'racine ale vienne avec ,,,
min père i s a jamais considéré comme un grand jardinier, faut dire qu' sin père i éto parti bin trop tot pour li interesser ,,,
alors yavo appris sul' tas, avec les consels des vigins, mais j' em souviens qui éto toudis bin humble quand qui comparo c' qui produiso par rapport à d autes ,,,,,,,,
i éto jamais avare d' acouter tous les consels qu in pouvo li donner
y avo des joies, quand qui rameno des bios légumes d' sin gardin, yavo aussi des momints du qui avo des doutes, quand qui artiro ché carottes qui avo mis dins zin silo d' terre avec del pale au d' sus ,,,
y a des coups cha avo pourri , chéto tout mou, tout visqueux , et cha m auro fait dégobiller si j auro du ramasser tout cha
cha l' peino vraimint quand que cha arrivo , i avo fondé bin des espoirs dins sin silo, i pinso avoir artenu les leçons d' ses échecs d avant ,,,,,
mais yavo bin eune année sur trois , du que ch éto tout pourrite ,,,,,,
pi l age y a comminché à s' faire d' plus en plus sintir, comme i dijo " plus qu' té viellis , plus qu' la terre at ' parait d' plus en plus basse et d' plus en plus loin"
alors fini ché routes tracées au cordeau, y a mis des fleurs,,,
vous m' direz chéto pas non plus d' tout repos vu que ché mauvaises herpes ale pousserotent plus vite que ché bonnes que cha m étonnero pas en fin d' compte ,,,,,
pi un jour , arpiquer, planter , et nettoyer ché plants , cha li a plus pesé que d' li faire plaiji ,,,,,,
j em souviens qui allo vire sin gardin d' temps en temps, et meme si y a trouvé après quequ' taton'mints la bonne personne pour s in occuper, chéto comme chi chéto djà plus le sien ,,,
ah i avo toudis plaiji à vire ché fleurs mais chéto comme si y éto devenu un spectateur ,,,,,,,,,,,,,,,,,,,
pi min père y a parti, oh pas tout seu, j y a mis les fleurs d' sin gardin avec li pour l accompagner, ch' éto la moindre des choses ,,,,
tant que m'mère ale a resté al' mason , ch' gardin y a été entretenu , chéto aussi la moindre des choses ,,,,,,,