du coté du Cap Horn
par minloute le, 23/10/2020minloute !!!!!!
quo que j' viens d' dire ????
cha m arrriffe d un coup sum' guiffe, j éto parti loin , mais loin del salle d' classe du Cours Moyen 1 ère année ....
comme si cha' m réveillo, l' temps d artrouver mes esprits et j' vo tous ché visaches d' la classe artournés vers mi, certains avec un sourire au coin del bouque....
j' m a fait attraper par ch' maite ....
impossipe pour mi d' répéter quo qui dijo, j a dro à eune baffe en passant , et d' noter la ligne que j' devro arcopier eune cinquante d' fois, c'qui est djà pas plaisant
mais l' pire faut qu' cha so signé par ché parints
comme diro l aute, "double punition" .....
ouais faut dire que j a été, attindez j' va m' rappeler d' min carnet scolaire en primaire
a ché capacités mais s' contente du minimum (cha cha énervo min père au plus au point )
éleffe lettré mais dissipé
manque de concentration
devrait se réveiller ......
ouais j éto "un peu" poète comme in dijo ...
j' parle j' parle mais j' vous dis pas du que j éto quand que ch' maite i m a interrompu dins mes reves .....
j éto au cap horn si si mes gins
en fait j' avo discret'mint artiré le protège cahier en plastique, pour raviser ch' dessin qui yavo sul' page recto
ch' cahier chéto un Magellan, alors i zavotent arproduit un dessin d époque qui m impressionno
in y voyo un batio, un peu comme chti de Christophe Colomb, mais là chéto chti de Magellan , qui éto tiré par des droles d'pichons mi monstres mi baleines ...
sans compter le dieu éole dins ch' coin du tableau qui soufflo comme un beu pour que ch' batio i déchinte vite vers la terre de feu
s'rez d' em n avis, yavo d' quo partir à l aventure en pensée, et pas s intéresser à la leçon de chose avec l étute d'la fleur , le pistil l étamine j in passe et des meilleures ...
bon y a un coup quand même que cha m a servi, ch' maite i faijo un cours d' histoires, et i d'mindo si in savo ché dates
ah ch'est sur que tout l' monte , enfin presque i savo que Christophe Colomb chéto en 1492
mais quand qui a parlé de Magellan , mi j éto dins ché startine bloques, j a j'té min bras en l air, un rapite coup deule, j éto l' seul qui savo
ch' maite i m interroge, 1520 que j' j y dis, et i commente "ah quand que cha t intéresse, in l' vo" .....
( 2 photos)