avec le hachoir au coin del' tabe
par minloute le, 10/01/2021ah , sur qu' ch'est bon d' minger ché restes del viante du bouillon, frod, avec des capres pi des zeufs durs ......
sauce ravigotte qui dirotent certains
....
sur qu' ch'est bon, mais j'do dire que min meilleu souvenir , miyeu des années 60, chéto d' vire m' mère préparer le hachis parmentier .....
ale coincho le hachoir au coin del' tape
Après, ale coupo l' viante en pitits morciaux,
pi aprés ale les intiquo dins le hachoir , appuyant sul' viante avec un poussoir in bo, et d' l aute main, ale actionno la manivelle ....
quequ' zannées après , in a eu le hachoir électrique de chez Moulinex, in appelo cha le 'robot", chéto aussi magique , j' diro meme plus , vu qui suffiso d' mette l' viante et à l aute bout, entre ché grilles, la viante ale sorto ...
quand la viante ale sorto del grille in bas, in la voyo s' tortiller, s' torsader quand qu'ale queyo dinch' plat ..
mi j'attindo qu'un mot, que m'mère am' permette d'in printe un tchiot peu dins m' main ...
alors là... l' viante froite, ch' boeuf froid, comme cha, sans vinaique, sans huile , sans rien quoi, cha permetto d' sintir toutes les saveurs del viante, et là j'em régalo...
( 2 photos)