dins s' baraque ...
par minloute le, 10/01/2021croyez pas qu' min père i éto malheureux dins' barraque...
oh que non !!! ch'est là qui s'installo au miyeu d' ses cartons , d' ses cageots ...
ch' est là qui s'asseyo sur eune viele cayelle, qui etindo s' gampe raite sur un morciau d' souche, billot in face d' li, et que j'intindo l' bruit régulier des morceaux d'bo qui arcoupo in plus pitits bouts pour intiquer dinch' fu au matin , pour qui puisse bin arprinte ......
Au printemps ch'est là qui préparo ché plants, qui metto ché graines willemse dans plein d' pots d' récupération pour les faire grandir
Récupération chéto sin mot,
magasinier d' profession , ayant connu ché deux guerres, sans compter des périodes d' vaches maigres, i avo horreur d' jeter ...
i gardo tout, in avo même des paquets d' clous tout rouillés, agglomérés les uns aux autres, mais même là i les jeto pas "cha peut servir" qui dijo ....
Ah qui avo ker y ete ....
même quand qui faijo un froid d' canard, i li éto, arvetu d' plusieurs couches d' vet'mints, 2 caches col comme i dijo pi "s'gapette" sus'tiete ......
j'allo l' vire quequ' fo pour li dire d' rintrer que chéto l'heure pour minger ou qui yavo quéqu un qui d'mindo aprés li, j' el voyo assis là , dins sin recoin, avec l'buée qu'ale sorto des' bouque, sans oublier sin nez qui guilo......
ch'éto là qui éto l' plus heureux, d'ailleurs cha s intindo, ch'est là que té l'intindo siffler, mal siffler pététe, mais j' savo qui éto as' n'aise .....
( 1 photos)