excusez me j éto trop jone
par minloute le, 23/01/2021j' avo pas 10 ans et j' vous voyo passer dins l' rue pour aller faire vos courses ...
j avo l' temps d' vous raviser discret'mint, camuché derrière l hayure , vu al' vitesse du qu' vous avinchiez.......
tout pitits pas, et cor zavote aux pieds des charentaises ....
des charentaises aux pieds dehors ....cha m avo quand même étonné ......
vot' allure aussi ale m intrigo ...... zavinchiez tout duch'mint , l' dos vouté , comme si vous zaviez sul' dos toute la misère du monde .....
cha in éto pas loin, vu l' taux d' silicosse que deviez avoir ....
j' m in souviens cor bien d' vos passages, pi d' vot' allure .....
2 pas , 3 au maximum, pi vous vous zarrétiez.....
zétiez pas en bonne santé, mais chéto normal zétote vieux ....
c' qui m' dégouto, chéto d' vous zintinte vous racler la gorge pi invoyer d' ces molards ...... que mi j in auro fait le quart d' la moitié , j auro reçu eune bargnouffe sul'tiete d' la part d' min père
au delà des crachats, chéto vot' air méchant qui faijo que j' me camucho quand qu' vous passiez
j' su sur que y a des coups vous deviez m' voir, in tout cas m' deviner, à travers ché branques du troène ........
mi j' vous raviso avec la froideur des zéfants, savez comme qu in qu in vo un papillon qui peut pu voler vu qui a eune aile d abimée .......
bin d' zannées ont passées, plus d' 30 ans .....
un coup avec mes parints in cacho des renseign'mints sul' famile en épluchant tous ché faire parts qui zavotent gardés ......
j'su queu sul' vot' et j a été VRAIMINT "interpellé" comme in dit in français
zétes parti en 1976 à l age de 69 ans ......
j a vite fait ch' calcul et j m a dit que ch' "vieillard" qui passo d' vant m' mason , i avo à peine 60 ans ach' momint là ....
j' sais que quand qu in est jone, in est vite catalogué d' "viu" , mais à l époque j' vous zauro donné dans les 80 ans ........
et c'que je prenno pour un air méchant, am'mote chéto toute vote souffrance qui arsorto ........
ch'est pour cha que j' me permets aujourd hui Mr Leufrançois, d' vous présenter mes excuses
( 1 photos)