bataille autour du bouillon
par minloute le, 02/03/2021in se s'ro presque battu pour li ....
ou tout du moins, eune fos ch' bouillon servi, in éto plusieurs autour del' tape à lorgner du coté d'em mère ...
ch'éto l' momint du qu ale sorto l ios du bouillon
ale déposo dins s' n assiette, tout duch'mint, pour que l' moelle ale arquette pas dins ch' bouillon, alors là chéto drame national al' mason ....
c'est elle, qui étalo l' moelle su ché tartines....
c'est elle qui arcouvro cha d' eune couche d' poive, qu in fallo pas trop arniffler ach' momint là vu qu ale in metto grinmint .....
Arriffe ch' momint le plus délicat ......
découper ché tartines et les distribuer entre nouzautes ...
Ale gardo sin calme m' mère, et pourtant ale avo plusieurs paires d'yeux qui ravisotent chacun d' ses gestes ...
un peu comme ché tchiens quand qu'in leur prépare l' gamelle.....
Ch'est eune belle comparaison, vu que si ale avo l' malheur d' faire des parts pas égales, ou si n'avo un qui pinso qui n'avo moins eu qu' sin vigin, cha aboyo presque atour del tappe
pour mette fin à nos réclamations ale dijo toudis "j'comprinds pas qu' vous vous battez pour cha , mi ch' am' donne des hauts l' coeur" ....
ch'éto tel' mint bon, que j' dis pas qu'in l' mingeo, in l' savouro, la chaleur d' la moelle, avec eune bonne couche d' poiv' d'sur , mon diu que malheur ...
la photo ale est pas d' mi , ale est d' min camarate Marcel Marcinkowski
( 1 photos)