au ''Cercle''

passé simple : désigne un passé qui n a plus de rapport avec le présent ...

in a tous eu l' coup d' querre un jur sur une photo qui vous rappelle d un coup eune ambiance "passée qui n a plus de rapport avec le présent .."

pour mi ch'elle làle, ch'est mes années collège et lycée ...

ouais voyez , in a eu del chance d' pas tous et' alcoolique et pourtant ch' lycée y éto intouré d' cafés ....

yavo le café du centre, la taverne de l'Artois, la Maxéville, l'Aristo, le Well Scotch, le café de la Paix, plus bas le Ringard, et face ach' cinéma , ch' Papou ......

ch'éto un peu pour nous ché lycéens, nos quartiers généraux ......

in avo nos zhabitutes .....

L'Aristo chti qu in vo à gauche sul' photo chéto ceusses qui étotent en A, en littéraire qui zy allotent l' plus ...

En face , l' plus populaire, aussi l' plus bruyant ch'éto la Maxéville , qu in appelo "l' max"

là chéto l usine, t avo du maux à t intinte vu qui yavo djà l' musique du judebox sans compter ché flippers et ché babyfoot .......

nous in préféro ché cafés plus "calmes" ou tout au moins plus éloignés du lycée, pasque i a des coups au lieu d aller en étute, in sorto pour aller ach' café
ét chéto arrivé que ch' proviseur i vienne faire un tour dins ché bistro, ceux tout près d' l intrée ..

alors in allo ach' Papou, chéto plus loin , plus calme, plus moderne, avec un judebox par tape mazette ...........

ch éto l'époque du que quand té passo en ville cha sinto l odeur si particulière d' ché bistrots, mélange d' odeur d' bière et d'cafés mélangées ..

plus tard, quand qu in éto en terminale , yavo deux cafés qui tenotent la corde, chéto l' aristo , et aussi le well scotch , que j' fréquento

ch éto l'époque du qu in acouto du Génésis, et ché garnoules avotent comme cartapes des sacs militaires , et qu'ales portotent au cou des écharpes violettes ........

et Eau Jeune comme sent bon ...........

chéto l' temps des bisous, chéto l' temps du qu'in éto les rois du monte, avec l'avenir d'vant nous .......

le temps du que, l' centre d' Bruay éto cor attractif, même si ch' grand magasin Cora i s'éto installé en bordure de ville ......

ch'éto l'époque du qui yavo cor du boulot........

ch'éto l'époque du qu in pouvo pas imaginer c'que la fermeture prochaine d' toute l'activité minière allo canger dans la vie d' tous les jours ....


J'ai oublié de vous dire que les "anciens" de Bruay appelaient ce carrefour "le Cercle" du nom du bâtiment qui se trouvait derrière le monument aux morts
perso, j'ai bien connu l'époque du Prisunic, mais pour dire que l'on descendait en centre ville, on disait "je vais au cercle" ....