Les jardinsché soeurs à cornette ....
par minloute le, 06/03/2022fin des années 60, j' me souviens avoir connu ché dernieres soeurs qu ale portotent des cornettes
quand que j' dis '"ja connu" , al' reflexion ch'est pas vrai , puisque chéto cor le temps du que la mixité ale éto pas cor à l orde du jour , aussi bin à l école comme au catéchisme ...
in les voyo cor assez souvint pas qu à l église sainte barbe, mais aussi à l hopital du meme nom, qui éto dans la meme rue .....
m'mère ale les avo pas ker , " des pizingues" qu ale préciso ....
faut dire aussi que quand ale passotent , meme si j éto cor un éfant, ale respirotent pas la gaité ...
as' deminder meme si ale nous voyotent, camuchées qu elles zétotent, pas ché grands bords d' leur capio blanc
Manman ale in arméttant eune couche "soeur sourire.......
et la suite que j' connaisso par coeur ..
"pi comme infirmières, ale valtent rin ... teut' souviens Léonce, qu ale dijo à min père, l' coup qu ale cacho après m' veine pour m' piquer , qu ale si y est arpris au moins cinq fos......."
d'ailleurs quand qu in allo au cimetiere du 3, y avo un "carré" du que ché soeurs ale zétotent interrées
j' me souviens pu d' leurs prénoms, mais ale les rhabillo à chaque coup et comme diro l aute ale vo un mot pour chaque ...
ah soeur Untelle, que pete sec , soeur bidule ale crio toudis etc etc
yavo que sOEUR Marthe qui avo grace à ses ziux
et j' do avouer , pasque j' l a eu eune année au catéchisme, qu ale éto très humaine ....
