Les jardinsarrivée à Lens
par minloute le, 20/03/2022ch'train i comminche à ralentir , in approche d' Lens......
oh in y est pas cor, mais savez ché viux i sont inquiets , peur d' pas y arriver, peur d' louper " l atterrissache"
quite à s' lever 10 mineutes avant l arret , pi à attinte debout près del porte d' sortie ....
à leur passache si in est assis coté couloir , in a interet à ringer ses zéqualettes
i n' a qui avinchent pas rassurées par ch' roulis du train, té print facil'mint un coin d' valise ou d' sac à main sur t' n ' épaule
cor heureux ale quettent pas sur ti ...
commint expliquer à quéqu un qui est pas d ichi, l' frisson qu in peut avoir quand in armonte par chez nous, d intinte not' accent , cor miu not' parlache au coin d eune phrase ....
cha y est ch' train y a pris l' pas d' sénateur, jusqu à Lens , in va traverser Méricourt, Avion... passer non loin de Liévin et de Sallaumines, sans s' rinde compte quand qu in cange d' ville .....
ichi in est dans le coeur meme du bassin minier ....
commint expliquer à quéqu un qui est pas d ichi, l' frisson qu in peut avoir quand qu in armonte par chez nous, quand qu in vo ché masons faites in briques rouche, et ché toitures en tuile style monopole ou d' libercourt ...
on avinche duch'mint, in vo l' tiete d' ché gins dins ché carettes qui attintent qu in passe , bloqués qui sont ach' passage à niveau
vues dins ché gardins, maronnes et loques qui sont in train d' séquir au vint .....(plus par ch' vint que par l' solel, fait couvert aujourd hui ..)
cha y est , ch'couloir y est rempli par ché gins qui vont déchinte ichi ...
Lens içi Lens, qui annonce l' controleur ...
