de Béthune à Bruay

in sortant dech' train, in a l impression que tout l' monte déchint ichi

y a embouteillache pour emprunter l' passache souterrain, aussi bin pour y déchinte, que pour y armonter d' l aute coté ....

j' passe pas par l intérieur d' la gare, vu que d'dins, cha avinche pas vite, vu que dés que ché gins i zarconnaissent ceux qui sont v'nus les querre, ch'est d abord la fricassée d' musiaux ......

pi après in comminche à printe des nouvelles , tout cha en restant au miyeu du passache ..

non , j'sors du coté gauche, traverse la place et j' va directemint attinte ch' bus pas loin d' l hotel d' la gare qui fait ch'coin

dans l'temps yavo eune grante gare routière, mais asteure tout ya été abattu ...

Béthune..... pour mi ch'est comme Arras, des villes qu in peut tout dire sauf que ch'est des villes ouvrieres ......

in fait en étant à Bruay in s'sinto plus près de Lens que d'Béthune .....

ch' bus y arriffe, y a du monte qui attint pour monter, faut pas et' pressé , y a grinmint d' poussettes à monter , mais ch' chauffeur y a l habitute ..

cha y est j a payé et trouvé eune plache pas trop loin d eune sonnette que j auro pu qu à ayonner taleure pour d'minder à déchinte ..

in part pas directemint vers Bruay, nan , in part vers le centre ville, in passe pas loin dech' bistrot "le petit sapeur" , in va faire l' tour d eune plache et in arpart ....direction d' la gare , pour , au dernier momint partir vers Bruay ....

j' su contint dins ch' bus, y a pu grinmint à attinte ....

Hesdigneul , pi nous vlà djà à la Porte Nord , l' zone commerciale d ' Labuisierre ...

à chaque coup que j' arviens , j' vo des nouviaux magasins, des nouviaux rond points,....

à croire , et ch'est pas loin d' la vérité , que tous ché commerces du coin i s' sont tous donnés l' mot pour s installer ichi ...

un grand arret in face du Cora, là parel ch'est un ballet incessant, l' principe des vases communiquants, cha s' vide par l arriere et ch' as' rimplit par l avant ...

montée et déchinte des landaux et des poussettes à provisions........

y a pu grinmint d' plaches vides, d ailleurs mi j a djà donné m' plache et j'me su rapproché d' la sortie .......

in passe le stade vélodrome, juste avant j a pu vire un quart d' seconte la silhouette du chateau in ruines....

et j appuie such' bouton , j' va déchinte aux quat' chemins