au bout de la rue, aux champs

mon diu que j avo ker i aller "aux champs" ....

in fait chéto comme des "jardins d ouvriers" , des gardins supplémentaires pour ché "carnassiers du gardin"

ceusses que l' gardin derriere l' mason cha suffijo pas ...

mon diu que j y suis allé...de mes 2 ans comme sul' photo, jusqu à mes 10 ans .....

ch' coup là j y éto allé avec m' soeur, am'mote pour apporter sin gouter à min père et printe l' photo......

manman ale avo pris ché précautions, j éto pététe in courtes maronnes, mais j avo m' min mantiau , min "cache col" et m' cagoule......

j avo ker y aller , chéto au bout d'la rue leverrier, eune fos in haut d' la butte , j' savo du qui éto l' camp à min père , pi j ' arconnaisso tout courbé bizar'mint qu éto min père

comme i pouvo pas s' mette à croucrou avec s' gampe raite

ya des coups comme ichi i j a du armonter jusqu ale mason incrinqué dins l' brouette, entre ché cageots et ché zoutils

j avo ker m assire comme cha dans l' chemin d' sin gardin, in intindo les alouettes canter ..

combien d' coups que j a d' mindé à min père d' me les montrer ..
chéto cha l' mystère des alouettes, té les intindo mais pour les vire chéto pas gagné ....

les années ont passé , j y a trouvé bin moins d' charme à aller au camp, j' grandisso et pas question d' armonter dins l' brouette , nan j' devo y aller pour prévenir min père qui yavo quéqu un al' mason pour li ou qui avo oublié l heure .......

les années ont passé, mais si j' veux m artrouver à coté d' min père cor aujourd hui, im' suffit d'buquer sur l arnitoile " chant d alouette"..

alors , chéto comme si j' m artouvo d un coup bin d' zannées en arriere , assis, mi tout jone, such' pitit talus , à raviser en silence min père "fuir" ch' gardin...