Les jardinsle tiroir à manman
par minloute le, 01/07/2022eune tchiote boule d' fichelle pour arlier ché légueumes du bouillon... pi ...
un "économe" que m'mère as' servo pas grinmint , seul'mint pour ché carottes ......
des tchiots couteaux d office, dont un que l' lame ale teno chéto l' cas del dire "qu à un fil",,,,
un coutiau qu in appelo cha un " limonadier" que d'sus yavo la publicité "biere de clerk"....
un grand ouvre boite, pour ché boites d' conserffes......
eune clé pour ouvrir ché boites d' sardines et d' maquereaux .....
tro quat' paires d' ciseaux d' différentes tales ....
des bouchons pour arfermer ché bouteles intamées ......
des pinces à escargot, cha servo pas grinmint, qu à la Noel ....
des coutiaux à beurre....
des viux couverts, in fer blanc, disparates, restes d' plusieurs ménagères qu in a gardé et qu in veut pas j' ter , cha pourro servir ....
des coutiaux de tape, que sul' lame i avo un "anamite" d' gravé , avec ses longues moustaches et sin ..chapeau chinois.. chéto marqué "le tonkinois" ...
quequ' piques pour ché fondues bourguignones......
un viu canif avec eune croix suisse d' sur .....
eune boite d allumettes d' s'cours
sans oublier l' bougie , capital quand qui yavo ché plombs qui sautotent .....
eune paire d' cuillères in bo , parel , au "cazou" ....
eune boule à thé, qu ale servo que quand que m' soeur ale arveno del région parisienne
inventaire du tiroir del tchiote tape d' la cuisine, véritable caverne d ali baba pour mi,,,
mais comme tous ché trésors, j' pouvo pas l ouvrir , chéto la chasse gardée d' manman
j'em faijo la reflexion, ch'éto forchémint un "tiroir magique" , tout pitit mais qui conteno tel'mint grinmint d' chosses ,,,,
