la rivière Lawe

ch'est dans le vieux bruay que coule la Lawe .......

d ailleurs ch'est autour d elle que ché premieres masons as'sont construites

tchiote rivière qui par momints avo ker sortir d' sin lit pour rintrer dins ché masons du coin

et qui avo pas toudis bonne réputation ........

si in voulo s' rincontrer sans qu in so trop al' vue des gins, ch'est par ichi que ché gins i trainotent ......

in auro du maux à compter tous ché infants qui ont commint dire " qui sont arrivés chi dans papa et qui sont arpartis dans manman"

ch'est la qui s' camuchotent pour faire leur affaire , dins ché hayures ou sous ché bois ..........

d ailleurs au d'sus la rue ale s appelo "la rue des soupirs" ..

coin idéal aussi pour y faire disparaite des mobylettes volées.....

d ailleurs i arrivo qu in devine des carcasses d' ferale au miyeu du cours d iau

j a bin dit "deviner" car j' la jamais connu bin claire ......

as'deminder quo qui péchotent ché péqueux qu in voyo such' bord .....

principal'mint des épinoques d ailleurs .....

bin mi j auro jamais minger un seul pichon qui auro été péqué par ichi ......

ch'éto aussi le lieu du que ch' Maite Toursel, not' prof de gymnastique du Lycée Carnot i nous faijo faire d'l endurance ....

ichi pas grinmint d'moyen d' tricher , ch' maite i s' metto à l intrée d un pont...

à nous d' faire ch' tour d' passer par ch' second pont pi arvenir d'vant li ...

pi faut l avouer, quand qu in passo par ichi pour arjointe la rue marmottan, in avo fait l' plein d' cailloux et in les j'to dins la lawe juste du qui yavo des péqueux ...

adrénaline garantie .....

in dévalo à toute blinte jusqu à la place du marché , pi pour nous armonter in faijo l' tour par la tour cail, comme cha in éto sur d' pas s' faire printe ...