l installation de la crèche fin

Maman ale parto alors dins l' pièche d' devant , savez l' pieche qu in allo l' moins souvint , souvent celle qui donno sul' rue

d' là ale arveno avec eune viele boite d' chaussures que d'dins s' trouvo pliés le papier rocher, eune tchiote guirlante pi eune boite d' punaises ....

bref , d' quo habiller
ch' fon du buffet d' la cuisine ...
là ale artiro tout du miyeu du buffet ,ouais cha faijo cor un renfonc'mint



Maman ale y incrinquo ch' fameux papier rocher , et eune fo punaisé, cha donno vraimint l impression que ch éto comme eune tchiote caverne ...

ensuite , ale preno l' tapis d' paille et là commincho l' grand momint pour mi
j' devo li passer un par un dans l orde qu am' dijo , tout c'qui allo s' mette dans la crèche

j' faijo cha avec eune grante attention savez ...

Manman commincho par l' fond , j y ameno ch' boeuf , pi l ane

comme diro l aute chéto tout un art d' les faire tenir sul' paille ...

eux , i semblotent plus vrais qu' nature , zétotent pon en platre, et leur robe ale faijo presque vraie, ale éto toute rèche ...

venotent insuite ché berges qui étotent debout et qu in metto d' chaque coté d' ché bietes ...

après au miyeu et là j' faijo cha cor plus délicat'mint, j y donno ch' pitit Jesus dins sin berceau du que dépasso d' chaque coté del paille

cor que , avec les années, ch' berceau i in perdo régulier'mint , à sembler à la fin , tout dépleumé ...

pi Joseph et Marie , et tout autour ché bergers qui étotent à croucou
enfin, par chi par là, ché tchiots moutons ...

Maman ale finisso l'tout en fixant tout autour eune guirlante et , clou final, eune étoile qu ale fixo juste au d' sus

après bin après j avo dro aux memes instructions

t approche pas d'trop
arrete d' faire du vint quand té passes d' vant
bouge d' là
et bin sur , touche à rin .
.
en écrivant tout cha, en évoquant des souv'nirs qu asteure cha fait ...55 ans que cha c'est passé , j'eum' rind compte en l écrivant que j' l arvivo avec émotion, magie et bin sur avec eune grante nostalgie....