Les jardinsrimballer ch' sapin
par minloute le, 08/01/2023autant chéto avec plaiji que j avo aidé m' mère à décorer ch' sapin...
autant quand qui fallo tout artirer , j'em faijo tirer l orele ..
faut dire que chéto comme armuer ch' coutiau dans la plaie ....
la "magie de Noel" chéto du passé , pire encore j avo arpris l école ....
oh yavo bin l' coup d' la galette, mais pour mi chéto comme un artifice qu in avo créé pour que ché jones i cro cor ét' un tchiot peu en vagances ...
d' un aute coté i éto temps aussi d'es' débarrasser dech sapin, i avo perdu eune bonne partie d' ses aiguiles
pour dire mi qui éto "doué" , j éto interdit d ' m in approcher d'trop près vu qu in l' barloquo ché aiguiles ale quéyottent cor plus vite ..
d ailleurs maman, et là in voyo que chéto eune adulte, ale in avo marre d' ramasser dins toute l' barraque ché aiguiles qu in avo ramassé avec nos chaussons, ou transportées par ch' cat qui avo ker s y rouler
eune fo ch' sapin tout dépleumé si on peut dire, papa i faijo sin office comme ch' bourreau .... i le sorto pour l' mette dins in coin du gardin..
piu plus tard i l amènero au gardin qui avo au bout d' la rue pour l' bruler ..
j' vous dijo qu' maman ale avo perdu s' n ame d' infant, la preuve , dés que papa i inmeno l' sapin dehors, ale le suivo , ramon d eune main et pelle d' l aute pour ramasser toutes les aiguiles ........
le pire chéto cor la suite ,quand que maman ale me d'mindo d' li ardonner ché personnaches d' la crèche pour les rimballer et les zarmettes dins leu malle dinch' grenier ..
mais ch' est trop dur pour mi d' vous raconter cha dins l' détal ...
meme plus d' chinquante après, la plaie ale s a jamais cicatrisée ....
