not' éducation
par minloute le, 24/11/2005un sujet graffe pour un coup, quand qu in intind tous ché malheurs d' gosses inl'vés, tous ché zistoires sordites qui nous arriffent au poste inch' momint , on s' rind compte qu in a pas eu l' meme éducation qu in a donné à nos infants
mi quand que j éto jone, l' jeudi aprés midi , ouais chéto l' jeudi l' jour qu in allo pas à l école, bin l' jeudi in allo juer avec des camarates dans ché grands champs qui n étotent pas cultivés, in allo faire des zexpéditions conte des autes jones, eune aute bande qu ale éto plus loin, in passo par derriere ché gardins et in allo s' batte à coup d' pétotes , d' cailloux ,ed mottes ed terre , bin tout cha in l' faijo sans que nos parints i l' savent , personne i trouvo à ardire, i fallo qu in soit rintrés avant telle heure et qu in ait pas fait des bétisses
mi jvo avec mes infants , quand que j éto in région parisienne , bin i sortottent pas dans l' rue , in savo jamais c' qui pouvo s' passer
vous dire si y avo moins d ébeulés , d' fous qu achteure, j 'sais pas, ptete qu in en parlo moins, j' pense sérieus'mint qui devo in avoir ravisez ché cas d' inceste , chéto tabou, la parole des parents cha compto , et la parole des infants pas grand cosse
achteure i a des coups comme à calais, j' cro qu in a trop fait confiance à ché jones, mais enfin, faut pas non plus ardonner un coup d' barre complet à droite, ché jamais tout blanc, tout noir
j 'cro aussi qu' l éducation ale est certain' mint moins rigite qu in a eu, vous dire d artourner in arriere ché simplemint utopique
j' diro aussi qui a des coups à la télé ou au cinéma , y a des films cha n arrinche pas les pensées d un jone qui est un peu perturbé , les scenes ed violence ale sont on ne peut plus réalistes
mais ravisez inch momint i a un jone qui a tué ses parints en ayant ravisé chréque l' dessin animé
à méditer