Les jardinsl'marché de la place marmottan à Bruay
par minloute le, 30/11/2005ouais chéto eune institution ch' marché del' plache marmottan, meme que ch' marché d' la gare qui li avo lieu l' diminche y éto plutot considéré pas vraimint comme un vrai marché , plutot quéquosse qui li arsempe mais in l' critiquot
bin aujourd hui heureus'mint qui a cor ech marché d' la gare , pasqu al' plache marmottan bref.....
ch' marché del plache marmottan i attiro tout bruay,pi y éto mal fait , té y déchindo cabas vites et t armonto ché cotes cabas pleins.......
chacun avo ché zabitutes, pourquoi ch' charcutier là plutot qu un aute, souvint chéto eune voisine qu ale avo fait l éloche de chtilale , alors s' voisine ale savo laissée tenter
nous in allo toudis voir "bourrecq" ch' charcutier, sin nom in l' savo pas, mais in savo such' papier qui metto pour imballer ché patés , ou l' saucisson, qui veno d' bourrecques ou bourrecq ej' sais pu, ché du coté d' boulonne
ach' marché in i croso aussi des connaissances, in s arreto in plein miyeu quite à géner ché gens qui passotent mais chéto pas important, i fallo printe des nouvelles del' famile , ou alors printe des nouvelles del santé, cha cha duro plus longtimps, inter ché artrosses, ché zegzémas, l' chute ed tension, ché varices , l'toux du tchiot dernier cha prenno bin chinq mineutes à chaque coup
chacun avo ché zabitutes , pi y éto grand ch' marché i débordo dins ché rues adjacentes del place marmottan, chéto du temps où ché gins i zavottent cor du timps ou alors qu il' prenottent ...
