chés coutumes indiennes in 14-18
par Marie-Claire le, 02/12/2005J'vas vous raconter queque cosse d'un peu espécial.
Ché m'grand mère qui m' l'a raconté, ale étot née in 1900 et ale s' souvenot bien del 1ère guerre. A l'époque ale étot apprentie couturière à Enquin les Mines dù qu'ale habitot et y a un truc que j'em souviens qu'ale m'a raconté.
Ché ses premières rincontres avec des étrangers, bien sur qu'ale n'avot jamais vu avant.
I devot y avoir des Anglais et y avot aussi ale dijot des indiens (j'sais pas si chétot vraiment des indiens, ptete des indigènes)
Tous chés gins là ale les avot trouvés bien gentils mais c' qui l'avot l'plus marqué, et ale le racontot 60 ans plus tard in rigolant core autant que l'jour dù qu'ale avot découvert cha, donc c'qui l'avot gramint amusé chétot certaines coutumes étrangères et notammint qu' chés indiens quand i z'allotent faire leus b'soins, dins la nature apparement, i partotent avec un tiot pinceau et un tiot séiau d'iau ..
I z'ont fini par comprinde à quoi cha servot, chétot pour faire leu toilette après bien sur.
Mais l' coup du pinceau cha l'avot marqué et bien fait rigoler pindant d' z'années
Au sujet de la guerre 14/18 et des coutumes indiennes les soldats étaient des Gurkhas (Népalais) toujours actifs de nos jours dans l'armée britanique.
Pour la petite histoire, j'ignore à quoi servait le pinceau, peut être à nettoyer symboliquement le seau. Tous les habitants de l'Asie du sud, se lavent après leurs "besoins" avec la main gauche impure (encore de nos jours) et ne peuvent manger, donner ou offrir qu'avec la main droite pure.