Souvenir de Sainte Barbe
par roger le, 04/12/2005I m'reste des bieaux souv'nirs d'Sainte Barbe, avec min père, et min bieau père, chétot deux grands comarates, souvint chétot à s'maison qu'un s'réunissot.
Tous chez s'infants z'étotent la, pour leur offrir un briquet, un paquet toubac, eun' boite cigares, eun' boutelle, eun' tiète d'mineur pour accrocher à ch'mur, ch'étot pas grand cosse, mais i avotent toudis eun' tiote larme su l'coin leurs yeux, tell'mint qui étotent contints.
Un comminchot par l'apéritif, un picon à l'bière, allez un deuxième, m'belle mère avot fait des tiots pains au paté "paté qui faisot li meme", un pinard la d'sus, un deuxième, vla l'boutelle vide, cha y est, i étotes écauffés, j'bio père qui qu'minche à printe s'naccordéon, min père s'harmonica, cha i est, chétot parti pour l'soirée, chez voisins qui intindotes l'musique, i rappliquotes avec eun' boutelle, j'vous dis pas cha valso dur din l'pièche, un quartier tarte, l'café l'bistouille la d'ssus, sans oublier l'rincette de g'niève, cha pouvo durer jusqu'à des deux, trois heures du matin.
cha chétot des belles soirées, qui resteront gravées din m'tiète.
et cha s'passo comme cha din chez corons, l'jour de Sainte Barbe.