Marie
par Marie-Claire le, 08/12/2005Quand j'étos jone y avot eune voisine qui avot l'age d'ete em n'arrière grand mère et j'allos souvint à s' mason avec m'grand mère
L' pauve vielle ale pouvot quasimint pus marcher et ale passot s' journée assise dins sin fauteul dvant sin fu, et quand ale s' déplachot ale poussot eune cayelle qu'ale avot toudis dvant elle et qui li servot pour s'appuyer, jé l'vos core Marie avec sin pétit chignon, sin chale, toute voutée
J' avos eune douzaine d'années mais j'étos toudis partante pour aller l'vire, in s'innuyot pas avec elle, ale étot gaie et in plus comme chés gins i savotent qu'ale pouvot pas faire grand cosse, ale avot du monte à s'mason toute el journée
Et d'un coup j'm'a rappelé eune d'ses expressions, quand ale veyot partir quequ'un qu'ale avot pas trop ker , ale dijot "ché cha, allez bon voyache et bon vint, el paille au cul et l'feu d'dins ..." j'cros qui avot eune suite à cha mais j'm'in rappelle pus
Et ch'mauvais temps chétot l'faute à tous chés spoutniks qui invoyotent
Passequ'ale trouvot que ch'monde i tournot sot, ale dijot aussi souvint, "i ar'faudrot eune bonne révolution"
Mon diu si ale arvenot achteure quo qu'ale dirot Marie ..