la tante Louise
par minloute le, 17/12/2005j' la vu que deux fos, l' tante Louise, par conte, meme si ale éto un peu éloignée dinl ' famille, ale avo gardée quéquosse ed l éducation qu ' m' n arriere grand mère ale i avo inculqué comme à tous ses infants
faut dire que m' n arrière grand mère ale a eu des infants de deux mariaches différents, et ale n a eu eune , d' père inconnu , hors mariache
je l' juche pas, mais chéto eune sacrée personnalité , qu ale a vécu eune vie qu in pourro in faire un flime ale télé
bin inter ses infants, ale a jamais fait d' différence, i zétotent tous élevés parels, et inter eux chéto comme des frères et soeurs
pour rappel sule photo qui est toudis sul' premiere pache du site , i a min grand père, min grand onque, et leur demi frère
alors ché pour cha quand min père i li a d'mindé des renseignements sur s' n enfance ale nous in a invoyé des paches et des paches et chéto super interessant
j argrette ed pas pouvoir li parler aujourd hui lui poser cor des questions , enfin ché la vie
( 1 photos)