Les jardinsau RC Lens , ché supporters
par minloute le, 31/12/2005y a eune paire d'année, j'éto rintré au café d' la paix à Bruay et y avo des gins qui discutotent del nouvelle équipe d' Lens
et l'équipe ale juo bien dans l' championnat, comme achteure
et in'n a un qui éto assis à eune tape et i faiso exprés d'imbeter des connaissances à li qui étudiotent ché résultats du championnat
Lens avait gagné la veille
chti qui éto assis i dijo "ché pas difficile ed' gagner , i n ' a pas un dans l'équipe qui est d'ichi, ché tous des nèques ed d'in l'équipe"
alors l'un d'ceux qui éto accoudé ach' comptoir i li répond " bin vaut mieux des nèques qui juent qu' des blancs qui foutent rin" i a cité l' nom d'un jueur j' sais pu l' quel qui éto v'nu au début d' la saison et qui essuyo les bancs des remplacants
et ché là que cha m a bin fait rigoler
"pi ché pas des nèques, ché des mineurs qui zont pas eu l' temps d' passer al' douche "
bin mi, j' a trouvé cha bien
alors qu ' achteure dans des states en italie surtout mais i a eu ch' cas là à Bastia l année derniere, i sifflent des jueurs ed leur équipe pasqu i zont pas l' meme couleur qu eux, in peut dire haut et fort que ché supporters ed Lens i sont certain'mint plus intelligents que ché supporters italiens
Dans les trente dernieres années, Lens a accueilli d'abord ché jueurs polonais, cha faijo plaiji à leurs supporteurs d' origine polonaises, cor fallait il que ché jueurs là i juent
aprés i a eu des jueurs algériens comme Armatallah et Djéballi, Djéballi i a du rester quand meme eune paire ed saisons
pi achteure ché la filière africaine , à Lens in est cosmopolite ......
