l' gueule contre el' tape
par minloute le, 04/01/2006j a djà parlé d'cha dins zin des premiers sujets j' cro mais s' soir j a mingé du boeuf frod, et j adore cha minger et sintir ché fibres
cham' fait toudis pinser quand que j éto tchiot et qu eum' mère ale coincho l' hachoir à viante au coin del tape et qu ale metto ché morciaux ed dins , ale les pousso avec un bouchon in bo pi ale tourno ed l' aut' main
mi j éto fasciné d' vire sortir l' viante par ché p'tits trous, l' viante qui semblo arviffe , qui tournicotto autour d ele meme avant d' querre dinch' plat
tout cha pour faire du lachiparmentier, ouais quand j éto tchiot j' pinso que chéto en un seul mot le lachiparmentier
tu fais du lachiparmentier m'man ?
et que si j éto sache et que j' faijo min air ed cocker alors m' mère ale m' donno un tchiot peu d' viante du plat