Les jardinsl' fête place Marmottan
par minloute le, 15/01/2006al' plache Marmottan dans l' vieux Bruay, d' l' aute coté d' la Lawe, i avo d' sacrées ducasses mes gins, d abord cha chi préto vu que l' plache Marmottan ché pas eune tchiotte plache et pi que ché commerces du coin i mettottent l' bouchée douppe, faut dire qui avo cor un sacré monte qui habito in haut du coté du 3
tous ché corons i zétotent cor debout et chéto eune sacrée fete
d abord cha commincho par un défilé d' majorettes, bin nous ché jones meme si in avo mingé del charcut'rie à midi bin in raviso cor les gambons des majorettes, ouais ché facile minloute, mais j' pouvo pas n' pas n in parler
d'vant chétot les tchiotes minloutes qui devottent faire attention à c' que ch' baton i leur rinte pas dans l eule , ou qui s accroche ed dins leu capio, aprés chéto l' cheftaine des majorettes, souvint chéto l' plus belle, pi plus l' groupe i passo, plus té trouvo dinl' lot des gambons ed plus in plus gros , pi vous nous connaissez ché jones, in éto pas des moqueux d' gins, nous ché boutonneux
