Les jardinsles boulettes ed viante
par minloute le, 26/01/2006mi j' courro pas aprés pasque inter nous qu in est tous des espécialistes du minger, in sait que pour bin faire cuire eune boulette ché nin évident, pasque ché eune drole d équation i faut cauffer l' boulette pour que ch' coeur i so bin caud tout in ravisant d' pas bruler l' boulette , et bin m' mère ale i arrivo pas , y avo toudis un coté del boulette qui éto oh j ' va pas dire carbonisé , mais i éto bin attaqué, tout noir, et mi j avo horreur ed cha
mais enfin quand qu on est tchiot, in décite te pas c' qu in va minger , pasqu ale est là l' grosse minterie
l' mère ale fait à minger, ale fait à minger c' qu ale aime minger , elle pi s' n homme alors ché facile à eux ed dire "minche ché bon" "minche ina qui minchent te pas" "minche cha va t'donner des forces" "minche t as pas cor gouté" , ouais nous ché tchiots in éto pas décideur
alors chéto facile pour eux d' nous ingueuler si in mingeo pas, d abord i comprenottent te pas qu in puiche pas aimer c' qui zaimottent eux , pi chéto pas bin d' refuser un plat , chéto mal vu meme à minger des boulettes ed viante brulées .......
