sul' route pour aller à Merlimont Plache
par minloute le, 29/01/2006bon après ch' départ plutot mouv'minté, voir l artique précédent , in commincho à rouler, grand silence ed' dins l' carette, min père tout contint , in éto parti à Merlimont , chéto sin reffe
in sorto d' Bruay, pi aprés chéto Divion, Ourton pi Diéval
à partir ed ' Dieval pour mi chéto l' vrai voyache qui commincho , pasqu in voyo plus derriere d' traces ed terrils, in éto vraimint dinl' campane
i avo l' grante line droite qu ale meno à Brias, qui fallo ralentir pour passer ch' passache à niveau , sinon l' carette al' sursotto , pi aprés Brias, in arrivo à Saint Pol
Saint Pol, l avantache ché qu' t avos l' temps ed bien raviser ché masons, vu que plus d eune fos sur deux i avo des bouchons
eune fo Saint Pol passé, chéto eune belle route à deux voies ed chaque coté et j' faijo toudis la gueule quand qu ins' faijo doubler mais j adoro quand qu on doublo à not' tour, j' raviso ché passagers d in air dédaigneux, zavez vu min père i roule plus vite eq' vous
in arrivo alors à Hesdin
de c' que j' vous parle, chéto bin avant l' déviation in haut d Hesdin, non i fallo traverser l' ville, in passo d abord par Le Parcq du qu in ralentisso toudis vu qui avo eune gendarmerie, et là sul' gauche quand qu on parto à la mer, j' voyo toudis mon chateau
ouais j avo décidé qui éto à mi, eune grante demeure tout au bout d eune grante allée avec des grands zarpes ed chaque coté
eune fo Hesdin passé , in prenno l' seule route qui avo , cha passo par les chtiots villaches ed Marconne et Marconnelle
d' là in pouvo continuer sur Montreuil mais min père i connaisso in raccourci
in tourno à gauche du qui avo un bureau d' tabac, et in monto eune grante cote et in rattrapo l' route d' Campagne les Hesdin, qu achteure ché d' venue l' route principale pour aller à la mer
sul route pour aller à Merlimont plache 2