sul' route pour aller à Merlimont Plache 2
par minloute le, 29/01/2006min père i éto tel'mint contint qui d' mindo un bonbon am' mère
et là parel un coup sur deux cha parto in sucette, zallez m' dire partir in chuchette en parlant d' bonbon ché pas commun mais j' vous zesplique
m' mère , j' la djà dit , ale i metto pas du sien
donc ale déballo ch' bonbon et ale l' intiquo dinl' bouque d' min père qui conduiso, mais toudis quand qui fallo pas, quand qui doublo, ou qui avo un virache, clac , dins' bouque
alors là chéto arparti, mi j' me faijo l' plus pétit derriere sur min sieche et j' raviso ch' paysache
enfin in arrivo sur les hauteurs de Montreuil qu on évito en fait
pi in prenno eune tchiote route in passo dinl' villache ed Sorrus, et là , et là mes gins , au fond , ché dunes, oh les dunes, chéto l' sine d' la liberté, des grands zespaces, du territoire des zindiens , des coboyes, des chevaliers comme ivanohé, quentin duouarde, prince vaillant, chéto l' domaine d' laurence d arabie, chéto min domaine .....
enfin Merlimont plache