enfin Merlimont Plache
par minloute le, 29/01/2006in traverso Merlimont villache pi , eune fo ch' feu passé, cor deux tro viraches et y avo l' grande line droite pour arriver jusqu à Merlimont
quand qu on y allo hors saison , pas la peine d essayer ed vire la couleur du drapeau que ché mait' nageurs i montotent pour dire commint que l' mer ale éto, vert chéto bon, oranche, i fallo faire attention, et rouche pas question des' baigner
in arrivo enfin al' mason, et là , min père à tous les coups i s enervo, pasque l' dernier coup qui éto venu , i avo fait un super noeud al' barriere , noeud fait avec un cab electrique ed récupération d' couleur jaune et vert , ah ché vrai quand qui est parti i s éto appliqué al' faire mais quand qu on arriffe in voudro qui s ouffre tout d' suite chéto pas l' cas
enfin in rintro l' carette pi in ouvro l' mason, oh j éto contint d' rintrer d' dins et d' sintir l odeur ,ale avo eune odeur particuliere ch' te mason là quand qu ale avo pas été longtemps occupé, et j' l avo ker
min père , sourire jusqu aux zoreles comme mi, et m' mère , eune tiete ed madonne, i faijo pas caud din l' barraque, alors ins' dépécho d' tout déballer, mi j' pousso al' roue , pasque eune fos cha fait , j avo quartier libe , min père aprés i allo passer sin temps à alleumer ch' feu dins l' viele cuisinière Chappée qui feumo quand qui avo un peu d' vint , donc cha veut dire qu ale arfoulo souvint ... m' mère al' préparo l' minger alors chéto toudis l' meme chosse mais j avo ker
chéto salate ed tomates et cassoulet William Saurin
mi pendant ch temps des préparatifs, soit j éto chargé d aller querre ech pain , ou alors mieux d aller querre ech journal, et d' rapporter deux pochettes ed panini, pour min album d' cyclisme, ou alors j allo djà à la mer
l' temps d' faire l aller retour, ch' repas i éto prét et l' maison ale éto caude
l'tchiote mason d' Merlimont plache