Les jardinsla bonbonnière, ch' magasin à Bruay
par minloute le, 30/01/2006la bonbonniere chéto le magasin d' bonbons , d' dragées , la référence de Bruay
alors quand qu' in éto sache, j' devo pas y ete assez , mais in y allo quand même
bin in avo dro à rintrer dinch' magasin, in éto d' abord pris par l' odeur ed chuque qui s' dégageo tout d' suite, et là d'vant nous dins des caisses in ferale, tous ché bonbons, d' toutes les tales , ed toutes les couleurs qui semblotent tous nous dire eh minloute print meu j' su bon, pi sin vigin d' bonbon, la réglisse , qui s' appelo , qui dijo , oh non mi j' su cor meilleur , souviens te l' dernier coup t' as pas été décu, ouais chéto un vrai dilemne d' rintrer là d' dins pasque au bout d un momint, même derrière sin sourire , el' serveusse ale voudro bin qu' in fasse sin choix , alors ed guerre lasse in montro du do les bonbons qu' in voulo , mais i fallo ete raisonnape , pasque ch' budget i éto compté
