Les jardinsun bonjour ed l' Aveyron
par minloute le, 01/02/2006in a archu aujourd' hui un bonjour ed l'Aveyron, ché l' tchiot fils d un mineur ed l' Aveyron qui a ravisé ch' site
cham' fait pinser qui a eu aussi des anciens mineurs lorrains qui sont v'nus raviser aussi
l' souffrance, les conditions d' traval, la fatique, ale éto l' même qu' in so en Lorraine, dans l' Pas d' Calais ou du coté d' St Etienne
l' accent y est pas l' meme, mais ché l' seule différence
quand qui faut haver ch' carbon y a pas 36 solutions , faut saquer d' dins....
j' ai feuilleté y a pas longtimps un liffe sur les conditions des mineurs du coté d' St Etienne dans la première partie du 19 ème sièque
c' qui zont vécu chéto l'enfer, des journées d' traval à nin plus finir, ché tchiots et chtiotes au fond del mine, pas d' caches pour déchinte, in déchindo et in armonto par des immenses equelles, et in a eu des askidents
pas d' syndicats, d' l exploitation, que d' l exploitation et pourtant chéto y a 150 ans
