Les jardinsl' toilette à l' école
par minloute le, 02/02/2006j ' me souviens chéto à l école Loubet , ch' maite i raviso tes mains si ale zéto propes, alors chacun sin tour in faiso l' queue et y fallo li montrer din zin sens pi aprés dans l aute, quand cha allo pas , t' avo dro à eune claque sur tes mains et direction ch' lavabo sous l' préau
cha m' est arrivé un coup, bin cha fait drole ed devoir quitter l' salle de classe, déchinte tout seu, ch' grand escalier in bo, traverser l' cour pi aller s' laver les mains, in avo l' moral dins les cauchettes, un peu t' honteux, mais cha passo vite, pasqu i avo toudis quéqu' un d'eune aute classe qui allo t' arjoindre , i avo aussi ché zabitués, ceux qui zavottent toudis del crasse sous les ongues, là i ralo ch' maite et l' aute i s' arprenno d' abord eune tape su les mains, mais l' plus pénipe pour li chéto l' lecon d' morale qui avo dro d'vant tout ché zautes
