Les jardinsché bocaux d' conserffes
par minloute le, 06/02/2006j' me souviens d' ché bocaux d' conserffe que m' mère ale faiso
in in trouve cor dans l' commerce et l' marque l' plus célépe chéto "le parfait"
bin y a des coups i éto pas parfait , j' me souviens un coup , chéto un bocal d' paté, min père i va pour l ouvrir , in éto à tappe , impossipe d' artirer l' caoutchouque , i éto comme collé
i saquo d' sus , i saquo d'sus, et mi j' tiro eune lanque eud 20 metes , pasque ch' paté i éto fameux
i saquo , et cha v'no pas, i sa énervé, pi y est parti dehors et in l 'voyo pu, nous in éto resté à tappe
pi i est arvénu, i éto parti as' baraque querre eune tenale
i serro ch' bocal d' eune main et d' l aute i saquo such' caoutchouque
j' sais pas commint qui a fait, mais ch' pot i li a laché des mains et i a valdingué au d' sus del tappe, cor un peu j avo pu d' tiete, tout cha en intendant in enorme "meeeeertttte" et ch pot i a fini à terre
explosiationné, ch' pot, i avo des morciaux partout, nous comme des toutoules in oso pu bouger que ch' cat li i s avo pas démonté, i avo eu peur du bruit mais l' odeur , cha l' a fait arvénir dare dare, et i a comminché à en minger, oh pas longtemps vu qui a failli bat' el record du saut en hauteur que ch' pot i véno d' batte, bon bilan d' l histoire
min père énervé, qui s' in print à m' mère, là j" a pas bien compris mais cha devo et' des' faute
m' mere , ale arnifflo sin nez , tout en passant ch' ramon
et mi j' a osé d'minder si y avo cor eune boite al' caffe, alors là mi aussi j' n' a pris pour min grate
sans oublier ch' cat , qui s' éto réfugié derrière ech canapé , comme diro jean pierre foucault, sacrée soirée ...
