Tiote Soeur de Annie Dedourges-Pailliot
par annie62110 le, 07/02/2006Quand t'as montré l'bout d'tin nez j'avos quatre ans et demi, mémére al m'avo fait mettre un chou d'bruxelles al caffe in disant que comme cha j'auro un tiot frère, de ch'chou t'as gardé que l'taille ta tout di été tiote. Not'mére al diso qu'eto un vrai picot et un garchon manqué, ché simple in y'avo pas core pinsé, que ti té l'avos déjà fait ! A dix ans té nous à fait eune peur bleue in t'faisant rinverser par eune voiture in auro dit qu'te l'faiso exprés cha t' as pas impéché d avoir l'premier prix du canton au certificat d'études; Jusqu'à que je m'marie j't'ai toudi eue din mes gambes. Et ti aussi te t'es mariée, l'drame de t'vie ché d'avoir perdu tin premier infant et pi sont v'nus les jumeaux et eune tiote fille te diso que cha s'ro tin bâton d'vieillesse, mais l'vieillesse té connaitras jamais, comme t'as jamais fait les choses à moitié, eune longue et pénible maladie t'as importée in six semaines. J'su sure qu'avec toutes les tiotes soeurs qui in jour sont parties in laisant leurs infants, té do veiller sur eux din haut; In tout cas mi je m'sui aussi orpheline qu'eux, t'm'manque tiote soeur, et pi dis si te vo papa la haut fais y eune grosse baisse pour mi ! Li aussi y m'manque