chés premiers escalators
par Marie-Claire le, 07/02/2006Dins nou coin y avot pas tant qu'cha d' très grands magasins qui justifiotent un escalator, à part dans chés grantes villes et mi l' premier escalator que j'a vu, j'cros qu'chétot vers 1970 et chétot aux Nouvelles Galeries à Lens
In n'y allot pas tous les jours, loin d'là, i fallot eune occasion espéciale pour aller faire des achats à la grante ville
là l'occasion espéciale ché qu' j'allos rintrer au lycée d'jeunes filles à Béthune comme pensionnaire alors i fallot des choses un peu spéciales, faut dire que chétot core l'époque des "tenues réglementaires", eune semaine bleu et eune semaine beige et y avot pas intérêt à s'tromper d'semaine